Sunday, 21 December 2014
Parke Nacional Arikok ta presenta “Movie Night” diasabra awo Print E-mail
Wednesday, 03 July 2013 15:41
Comparti
DSC_2063
Den aire liber bao di nos bunita shelo cla, diasabra awo, dia 6 di juli pa 7:30PM Parke Nacional Arikok ta presenta un otro Nochi di Cine espectacular. “E pelicula cu lo wordo pasa riba e pantaya gigante e biaha aki tin como tema principal Desierto y Cueba”, asina Agapito Gomez di e departamento di educacion y ciencia a splica. Tambe lo inclui un parti di e cuebanan di Aruba pa e presentacion aki.

Entrada lo ta gratis pa e Nochi di Cine di diasabra awor na Parke Nacional Arikok. Tambe lo tin dushi snacks y cos di bebe na benta. Desde Juli 2012 a cuminsa presenta e Nochi di Cine mensualmente y mester a move di den siman pa diasabra como cu tabatin hopi mayor of welo y welanan ta bin cu mucha chikito. Despues cu a move pa diasabra e evento unico aki a crece y mester a aumenta e cantidad di stoel te na 200. Lo sigui aumenta e stoelnan sigur segun e evento ta bira mas y mas popular.

Parke Nacional Arikok ta invita tur hende pa disfruta di un anochi hopi ameno, unda cu bisiña y amigonan ta topa otro y ta relaha den un ambiente sin igual.

Parke Nacional Arikok ta existi desde aña 2000 caba, ta maneha 34 km2 di tereno, ta conta cu 48 empleado den servicio y anualmente ta ricibi bishita di mas o menos 200 mil persona. Diariamente tin entre 80 pa 100 bishitante den e park, di cual mayoria ta turista pero den fin di siman nos local nan ta resalta. E sitionan mas bishita den Parke Nacional Arikok ta Conchi (Natural Pool), Grot di Fontein y Boca Prins. Asina mes tin mas atraccion den e park, manera Grot di Guadirikiri, Dos Playa y sin lubida Cunucu di Arikok. Ta cobra publico local un contribucion di solamente Afl. 5,= pa entrada, Afl. 28,= pa un "jaar pas" of Afl. 22,50 pa un "sport jaar pas".

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter