Friday, 01 August 2014
Exitoso Tayer pa maestronan pa clausura aña escolar 2012 – 2013 Print E-mail
Wednesday, 03 July 2013 15:27
DSC_2063
Ayera nochi Departamento di Enseñansa hunto cu Ministerio di Justicia & Enseñansa a organisa un tayer vivencial pa maestronan di Aruba. E maestronan cu a assisti e actividad aki a keda honra pa yega den un setting moderno y elegante especialmente pa nan.

Directora Anne Marie Proveyer a habri e anochi cu un discurso den cual e la gradisi tur hende cu a colabora cu dedicacion y pasion tur e tempo aki na nos systema di enseñansa. Minister Arthur Dowers tambe a hiba palabra, como ministro responsabel pa Enseñansa. Minister Dowers a gradisi tur esnan cu ta traha duro e aña aki. Especialmente e la reconoce tur esnan cu hopi biaha ta traha patras di cortina y cu ta logra cosnan grandi pa nos communidad y no ta haña e reconocimento directo. Pa sigui duna sosten na tur esnan cu ta traha riba e tereno aki, Departamento di Enseñansa a contrata e faciltadora Carla Hueck Martina di e compania ‘Experientia’ cu a presenta e concepto ‘Who Moved My Cheese’. Na un manera interactivo y chistoso señora Martina a ofrese esnan presente e concepto aki cu e mensaje final pa identifica semper den bida diario y den nos trabao ta kiko ta locual semper cada ken ta wanta duro na dje. Ta kiko ta e cos cu nos tin miedo di perde. E tayer aki tabata dirigi pa inspira e maestronan y tur esnan cu ta traha den enseñansa pa continuamente sigui desaroyonan cu ta manifesta nan mes den nan bida. Nos no mester tin miedo di cambio, pasobra cambio ta algo natural cu ta pasa na cada momento di dia. Enbes nos resisti cambio, nos mester habri brasa y ta prepara pa integra locual ta cambia den nos bida y ser semper positivo. Minister di enseñansa a presencia henter e actividad y tabata un participante entre tur e maestronan.

Nos orea a capta algun palabra di Minister Dowers den cual e la comenta na algun hende cu e ta hopi contento di por a topa tanto maestronan asina cu ta traha cu nan curazon y ta determina pa sigui guia nos hobenan den nan desaroyo. Minister Dowers a comenta cu e ta sigui traha duro pa modernisa e infrastructura y nos systema di enseñansa. Su vision ta cu e maestro ta wordo poni den e punto central y ta haña e cuido, aprecio y respet cu e merece pa asina e maestro pone e alumno central. Nos systema di enseñansa mester ta uno cu constantemente ta motiva tur hende pa hasi preguntanan persistente y ta inspira curiosidad sano. Esaki mester ta un custumber y un condicion pa cualkier tipo di programa y aprendizaje den nos sytema di enseñansa.

dowers dowers dowers
dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter