Saturday, 25 October 2014
Hubentud Uni Sero Preto ta gradici Minister Mike de Meza pa su compromiso pa preservacion di e Cas di Luz Print E-mail
Wednesday, 03 July 2013 15:12
DSC_2063
Tur hende conoce e Cas di Luz di Sero Preto y tambe ta consciente di nan reto anual pa yega na cubri e gastonan, specialmente pa loke ta trata e pago di coriente pa mantene e Cas di Luz cendi pa henter e temporada di Fin di Aña. Diferente sponsor generoso a contribui cu e proyecto durante su 40 añanan, pero pa mantene e Cas di Luz manera mester ta, tabatin mester di algo mas consistente.

Na e ocasion di e anuncio di e instalacion di un dak di 50 panel solar na e Cas di Luz, cual bunita gesto a bin di parti di N.V. Elmar, Setar N.V. y Utilities N.V., lider di Hubentud Uni Sero Preto, Marcelo Wouters a gradici specialmente Minister Ing. Mike de Meza pa su compromiso cu nan proyecto. Na mes momento tambe el a introduci e team di trabao, kende ta traha incansablemente riba e proyecto aki pa presenta un show espectacular na pueblo di Aruba y nos turistanan tur fin di aña.

Sr. Wouters ta conta cu den temporada di december 2011/januari 2012, Minister Mike de Meza a bishita e Cas di Luz y durante di un combersacion ameno a bis’e cu e no mester worry pasobra “algo ta bin”. Despues nan a bolbe topa na Calypso Contest y Minister a ripiti su compromiso y a bisa cu “ta biniendo cerca di cla”. Dialuna atardi, para dilanti e dak di panel solar, Wouters a subraya “El a bin net bon! Ningun hende no por imagina con grandi e yudansa aki ta.”

Hubentud Uni Sero Preto a keda masha contento y gradicido cu awo nan por concentra riba nan diseñonan y programa y mester worry menos cu e cuenta di coriente, cual lo wordo cubri completamente of practicamente ful pa e coriente cu e panelnan solar ta genera durante henter aña.

Minister Mike de Meza a expresa cu e no ta solamente satisfecho, pero sigur tambe honra y orguyoso cu instancianan manera Setar, Elmar y Utilities, cual ta resorta bao di su Ministerio como e Minister di utilidad y energia por provee e landmark aki na San Nicolas cu un contribucion asina valioso.

E continuidad di e Cas di Luz ta wordo sigura pa basta aña nos dilanti asina y manera Sr. Wouters mes a bisa cu di nan parti, kisas nan por bira bieu, pero nan ta sigui pasa e proyecto pa esunnan hoben cu ta sigui nan. “Pa Aruba nos ta haci’e, si ta pa nos mes nos a stop basta dia caba,” Wouters a expresa.  Ta un hecho sigur cu e entusiasmo y aprecio cu ta bin di parti di nos comunidad, combina cu e entusiasmo enorme di parti di Hubentud Uni Sero Preto y awo cu e sosten di e companianan di utilidad nacional, e Cas di Luz lo sigui pa hopi aña mas.

Nos landmark di Fin di Aña na San Nicolas ta keda preserva!

Comentarionan (1)Add Comment
... Low-rated comment [Show]
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter