Thursday, 31 July 2014
No ta miyones den caha di gobierno por trece solucion pero e bida spiritual di e pueblo Print E-mail
Monday, 24 June 2013 21:22

Igelsia General miyones

Pastor Eusebio Petrona a papia tambe den conferencia di prensa y a splica cu e ta un di e miembronan di e comision di 7 cu ta representa e Iglesianan Cristian na Aruba. El a splica tocante e actividadnan cu a keda desplega y cu lo desplega durante e dianan cu ta bini.

Petrona a bisa cu na Aruba tin e tendencia cu hendenan ta yama na radio duna opinion voral riba topiconan controversial y bisa cantidad di cos y como pastor di Iglesia nan ta responsable pa siña hende con nan tin cu responde na cosnan complica. El a splica cu e dianan aki e pastornan a reuni pa por a discuti, planea y strategia ponencianan relaciona cu e dos puntonan cu a trece nan den conferencia di prensa y otronan tambe importante cu tambe ta vigente den nos sociedad. El a bisa cu e pastornan ta reuni pasobra cada un por tin su propio opinion riba e temanan y despues di delibera nan ta sali cu un punto di bista y di ey nan ta continua pa educa nan hendenan riba e dos topiconan aki pa nan responde corecto. Nan kier evita pa hendenan yama zundra na radio, menciona nomber di hende y bisa cosnan den prensa. Pesey nan kier informa e hendenan kiko ta real y cu nan ta contra manera matrimonio homosexual y legalizacion di marihuana, y ta splica nan kico esakinan ta come y bebe, segun Petrona. El a splica cu den Bijbel ta bisa cu mester duna Dios danki y haci oracion pa tur hende y special pa esnan cu tin liderato den pueblo. El a splica cu diasabra pasa nan a bin hunto pa alaba Señor y yame danki pa tur su bondadnan, y haci oracion pa tur area di bida na Aruba y a conta cu participacion di mas of menos 500 hende. A haci oracion pa desde e gobernantenan te e hende mas simple, y a pidi pa e problemanan cu tin riba nos isla, pasobra Dios ta responde na oracion. E Iglesianan Cristian cada un ta haya hopi peticion pa oracion y nan ta haci oracion pa e pueblo pasobra e solucion no ta den miyones y miyones di florin cu por drenta caha di gobierno pero den e bida spiritual di pueblo, caminda cu spiritualidad ta dirigi e pueblo y cosnan ta cambia, rebelion, rebeldia, crimen ta cambia y pesey nan ta kere den haci oracion pa e pueblo.

Comentarionan (10)Add Comment
donsella
June 26, 2013
186.190.233.251
Votes: +1
...

Ningun rato so nan a bisa cu nan ta liber di pica. Bo no sa lesa ? Lesa bon despues skirbi, sabi. Ni nan ni nos ni abo ni ningin hende ta liber di pika. Nos tur ta pecador. Pero un cos si mi sa nan no ta homosexual. Nan no ta contra e persona cu ta comete e pika sino contra e tipo di pika cu ta wordo cometi.

first people
June 25, 2013
201.229.82.159
Votes: +0
...

wak si e hendenan aki ta liber di pica, mi no ta kere.

Gail Solognier
June 25, 2013
190.102.25.97
Votes: +4
...

Mi ta contento; hombernan balente cu ta para y sali pa e palabra di Dios. Mi ta corda boso den oracion. Dios ta stima e hende pero no e pika!!!

spin docter
June 25, 2013
201.229.8.230
Votes: -1
...

Awo "pastor" kier practica censura moderno mescos cu nan a hasi door den e siglo pasa door di forsa indianan cambia di religion. Den mi punto di bista e forma cu bo ta soluciona problema social/economico of deficiencia democratico ta door di habri un debate pa TUR hende por duna nan opinion y no door di censura e problema. Censura ta un strategia cu no ta traha. Aki poco dia nan ta manda censura opinion riba e iglesia "Cristian" tambe ora cu no no ta camparti nan opinion. Asina democratico nos ta bay para bira(ironico).

yo soy
June 25, 2013
201.229.14.183
Votes: +4
...

Porfin hendenan balente a lanta ariba y para pa e palabra di Dios. Esun cu tin oido tende bon, paso no ta palabra di hende ta palabra di e Dios bibo cu a crea shelo y tera. Nos no ta contra ningun hende pero si nos ta contra di leynan cu ta contra e palabra di Dios.
y ami ta kere cu si nos tin di lanta ariba y manifesta contra esaki nos como pueblo di Dios lo hasie tambe.




Eduina
June 25, 2013
201.229.71.86
Votes: +6
...

Pero nan no ta papia di cierto religionnan na Aruba cu ta exigi cierto porcentage di entrada di nan sigidornan como contribucion. E famianan mes ta pasa den duro pa sobrevivi mientras cu shon "pastoor" ta biba na grandi y core den auto luhoso! Sí, aki na Aruba mes!! smilies/wink.gifsmilies/wink.gifsmilies/angry.gif

Evangelio.com
June 25, 2013
186.190.233.251
Votes: +9
...

E pueblo ta perece pa falta di conocemento!! Asina tambe nan a saca Dios for di e skolnan na Merca y wak unda nan ta awor...no ta Dios a bandona nan ta nan a bandona Dios. Mi ta orguyoso di e pastornan aki paso nan no ta caricia e picanan cu tin riba nos pais pero ta trata cu nan manera Hesus lo a trata cu nan. E manual di nos bida henter ta w palabra di Dios =e beibel. Ami NO a bin di macaco esey ta sigur!!

Esta Cos
June 25, 2013
201.229.46.112
Votes: +15
...

Majornan ta percura pa muchanan ricibi pa hasi fiesta so, confirma pa cumpli asina nan juiw tin chens pa casa pa misa pa por hasi otro fiesta. Despues lubida e parti cristian. Ta resa ora di enfermedad incurabel so y ora morto cai.... Ai D I O S pa kiko?

Bontrabow
June 25, 2013
201.229.67.61
Votes: +14
...

Tremendo, 100% Agree.
No ta placa ta trece bendishion, Dios kier Obediencia y curazonan humilde.
Rafeal de cuba ta un gran ehempel pa tur e hendenan gay. ku si Dios ta Stima e pecador mas no e pica.

... Low-rated comment [Show]
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter