Thursday, 24 April 2014
Asociacion Iglesianan Cristian cu programanan di Evangelizacion encuanto casamento homosexual Print E-mail
Monday, 24 June 2013 21:08

Igelsia General

Iglesianan Cristian di Aruba a tene un conferencia di prensa dialuna atardi, cu participacion di pastornan Tirso Kolfin, Eusebio Petrona y Norman Brown. Pastor Kolfin ta e prome na hiba palabra y a bisa cu ya caba nan a emiti un carta habri pa comunidad cu nan puntonan di atencion, cu ta specificamente legalizacion di casamento homosexual y legalizacion di marihuana, cu ta un proceso cu ta canando den nos comunidad, y cu Asociacion di Iglesianan Cristian di Aruba tin cu emiti su opinion pasobra esaki ta afecta e principio, norma y balornan di nos comunidad, moral y spiritual y specialmente locual e Palabra di Dios ta bisa.

Esey ta e razon primordial cu di awor padilanti cada bez cu como Pastornan Cristian nan ta sali den comunidad, den prensa, ta bay enfatiza nan punto bista riba e legalizacionnan menciona, sin ningun otro agenda, cu locual e Palabra di Dios ta bisa. E pastor a bisa cu den e carta habri nan a menciona otro aspectonan importante tambe manera aborto y eutanasia cu ta desaroyonan cu tin na mundo y nan no ta mira Aruba hopi leu for di esaki cu no lo bati na porta di nos pais tambe y e pastornan no kier keda sin bisa y haci algo. El a bisa cu nan no ta pretende di cambia loke ta na caminda pa pasa, pasobra nan ta conciente cu Dios tin e control y semper e lo tin e control, pero nan tin e funcion importante di Evangeliza nos comunidad. El a bisa cu e desaroyonan aki ta nada otro cu un momento pa pone resona den comunidad kico Dios kier pa nos bida personal. El a splica cu nan ta treciendo esaki dilanti na un momento cu persona y gruponan ta trece nan opinion dilanti, na bispo di eleccion y pesey Iglesia Cristian ta enfatiza riba e violacionnan di e leynan di moralidad y contra Dios su opinion y su punto di bista. Pastor Kolfin a splica cu nan lo sigui informa pueblo pa medio di programanan na radio, television y articulonan den corant. Tur e desaroyonan aki na mundo y awor na Aruba tambe ta un decadencia, kizas no mira asina pa henter humanidad, pero for di punto di bista Biblico y spiritual. E pastor a bisa cu Dios no tin nada contra e personanan cu ta practica e pica of forma di bida homosexual, y pesey e ta ofrece nan un salida for di e bida ey conforme su boluntad y leynan di moralidad divino no ta un atake contra ningun hende, pero pa alerta nos pa no viola e palabra di Dios pero atene na dje como e forma con Dios Tata kier pa nos biba.

Comentarionan (31)Add Comment
berdad dimes
June 27, 2013
201.229.3.171
Votes: +0
...

Makamba blauw, Bo sa cuanto gai cu "NO" ta homosexual ta drumi cu homber aki na aruba ? HOPI, so what is your problem ? por ta ABO ta un dinan !!!!

SHREK
June 27, 2013
201.229.13.203
Votes: +1
...

@shon Shoco: Kizas bo no a lesa e artic*lo bon, esta e pastornan Cristian uni (no Catolico) ta ALERTA nos pueblo tocante e asunto di casamento di e mesun sexo. Ningun caminda nan ta pretende cu loke nan ta bisa gobierno mester bay na nan amen. Loke e pastornan aki kier spierta nos ta cu tin planes pa cambia nos leynan cu ta reglamenta cu matrimonio ta entre hende homber y hende muher pa haci'e den cu pareha di e mesun sexo tambe por casa cu otro. Y despues nan (homo's) kier adopta juinan tambe, etc etc.. Bo por imagina con nos sociedad lo bay den un decadencia unabes cu pasa tipo di leynan aki. Na Colombia nan a pidi pueblo den un referendum y e contesta tabata 80% contra casamento di mesun sexo.

SHREK
June 27, 2013
201.229.13.203
Votes: +0
...

@JeyJ: Mi ta ripara cu bo ta biba di pasado, pero papia di Catolico su actonan den pasado no ta resolve y ni ta e topico cu ta wordo trata esta Homosexualismo. Cu bo tin cierto problema cu Religion Catolico ta bo asunto. E parti cu mi ta bisa cu bo a aleja di Dios ta pasobra bo ta basa bo ponencia/opinion riba dato sientifico y no segun palabra di Dios. Bo problema cu Catolico (abuso di mucha etc) mi no ta bay elabora riba dje. Btw, bo tabata sa cu den bijbel ta bisa nos den Efesionan 4:32 "Y sea cariñoso cu otro, misericordioso, pordonando otro, mescos cu Dios den Cristo tambe a pordona boso." Fout tur hende por hasi pero no ta tur hende ta pidi Dios pordon.

Shon Shoco
June 27, 2013
89.146.28.147
Votes: -1
...

Casamento no tin nan di haber cu bijbel. Si hendenan gay kier casa pasobra nan ta stima otro, anto ni misa ni pastonan no tin nada di bisa tocante esaki. Nan mester mete den nan mesun asunto. Lesa bo bijbel bay gol. Na Aruba nos conoce scheiding van staat en kerk. Esey kiermen cu si hende kier casa pa gobierno y nan ta di mesun sexo, esaki mester ta posibel. Casamento pa misa si lo no por, pero esaki no ta e aim di personanan homosexual. Ki dia ta bin un gobierno cu no ta wordo manipula door di misa y ta duna tur hende nan derecho di biba manera mester ta, sin discriminacion y odio. E pastonan, kende nan mes ta abusador di mucha muhe y homber, ta trece odio den nos cominidad y ta crea un apartheid. Hopi baho mes!

JeyJ
June 26, 2013
86.86.166.20
Votes: +0
...

@Shrek
Ami ta hasi foutnan tur dia, mescos cu bo.
Dicon mi a aleha for di palabra di Dios sigun bo?
Pasobra ami no kier doe mee pa yuda tapa pa e pastornan cu a abusa den yen mucha? Anto cu mi kier tapa mi wowo nan pa e berdad cu hende religioso ta esun nan cu prome pa punta dede?
Mi no ta compronde bo punto di bista. Bo a bai busca pa bo mesun education pa sa ken y kiko tur e "crusades" a hasi?

SHREK
June 26, 2013
201.229.13.35
Votes: +0
...

@ Jan v Straten: Je doet iets fout, nl je moet geloven en niet hopen. Tevens slaan deze voorgangers de plank niet mis omdat ze aan God's zijde zijn. Kan nooit mis gaan! Zij doen wat je niet doet (misschien nooit zal doen)..nl..praten met kinderen die problemen hebben met identiteit en ook bidden voor hen (jij zal het niet doen, want je geloof niet, je hoopt maar). God is voor iedereen (ook voor jou) en je kan nog "gered" worden als je naar Onze Vader bidt met tussen komst van Jesus Christus voor vergefenis. Ik doe dat ook. God zege.

SHREK
June 26, 2013
201.229.13.35
Votes: -1
...

@Dimas?: mi ta ripara cu bo ta un persona cu no a busca mucho pa sa kiko y con di e iglesia Catolico. E dos centronan Cristian mas importante tabata na Antioch (Turkia) y Alexandria (Egipto) tabata e cuna di cristianismo. Roma bin despues unda aya ta insisti di tin poder riba e otro iglesianan cristian. e palabra catolico ta deriva di e palabra griego "katholikos" cu nifica universal y durante hopi anjas tabatin hopi pleito encuanto Roma su insistencia di poder. Te na anja 1053 e iglesia cristian a parti na dos, esta Iglesia Catolico Romano y Iglesia Orthodoxo. E Orthodoxo no ta reconoce e Papa di Roma como cabes di iglesia.

SHREK
June 26, 2013
201.229.13.35
Votes: +0
...

@JeyJ: Claramente bo no ta un cristian (catolico tambe ta cristian).. pesey mi ta invitabo pa bay un busca e palabra di Dios y cuminsa lesa. Y si bo ta un cristian anto bo a aleja (masha) hopi di e palabra di Dios. Bo no ta laat ainda, paso tanten cu bo por pidi TATA pa pordon pa medio di su Yiu Jesus lo bo hay'e. Esaki ta para den Bijbel. Nos como cristian no ta contra e hende cu ta praktika e homosexualismo sino e pika di homosexualismo. Dios ta stima TUR hende pero no ta stima/accepta pika. Bo ta kere cu pornada Jesus a bin na mundo y muri pa nos? Esun cu a trece pika na mundo ta SATANAS/DIABEL. Ta keda na bo pa accepta o no esaki. God bless you all.

SHREK
June 26, 2013
201.229.79.120
Votes: +3
...

Ban ta cla cu e asunto aki di homosexualismo, si bo ta kere den Dios y Jesus como bo salvador anto bo no por ta diacuerdo cu praktikanan aki, punto. No drei riba e asunto tocante derecho etc etc.. Casamento di e mesun sexo ta CONTRA e Palabra di Dios y Contra nos moral cu nos tin riba e dushi isla di Aruba. Si bo no ta diacuerdo ta bo derecho pero mi a spierta bo(so) pa despues ora di duna cuenta na Dios mi no lo wordo husga pa cu esaki. Dios a duna nos razonamiento propio unda no por dicidi pa nos mes, pero Dios tambe a duna nos su Palabra (bijbel) pa nos lesa y compronde y praktika cu otro. Dios ta e unico cu por cambia'bo, pesey reza na Dios Tata pa medio di Jesus Cristo pa libera'bo di e mal. Amen!

JeyJ
June 26, 2013
80.254.147.212
Votes: +1
...

@Maraka Blauw
Con bo sa cu e ta vies? Bo a purbe pa bo sa? Bo no kier wak bira bo cara, niun hende ta forsa bo wak. Echt hende judgemental.
Pesei semper ma bisa. Hende religioso cu supuestamente ta liber di pensamento malo y cu ta stima nan prohimo, ta prome hendenan cu ta para huzga bo. Nan ta e prome hendenan pa punta dede.
Mi ta kere den DIOS pero no den religion. Religion hende a traha y ami no ta kere den hende.

JeyJ
June 26, 2013
80.254.147.212
Votes: -2
...

Hendenan hopi religioso te prome hendenan pa para huzga otro, acaso paso abo ta mihor?
Bo sa cu MAYORIA GUERRA ta wordo forma door di religion??? Busca "the crusades" Nan no ta nada diferente loke e moslim nan ta hasiendo awo pa hala atention pa nan creyensa, norma y balornan. Wak e sjiieten en soennieten nan. E hendenan aki ta mas religioso cu minsa kiko pero si e 2 grupo nan aki topa otro ta GUERRA tin.
Y ainda e religioso nan aki den ta keda tapa tur e pastor nan cu a ABUSA di mucha, daña bida di milliones di hende anto boso ainda tin e cuero di cara pa sinta punta dede riba homosexualnan?

Richardson
June 25, 2013
195.240.236.250
Votes: -1
...

Si bo ta propaganda 'stima bo prohimo' anto e ora mester stimanan y laga nan stima otro. Tanten cu e no ta afecta bo bida, pakiko lo bo mester ta contra dje.

Maraka blauw
June 25, 2013
145.119.165.114
Votes: -2
...

Viesedad ta keda viesedad. Homesexualismo ta vies!!! Cheee

El Canario
June 25, 2013
201.229.18.222
Votes: -3
...

@mahalia no ta berdad homo no tabata den creacion ta algo cu a bin despues di creacion sano e ora e hendenan a inventa homosexual Dicon ningun Dios a cambia dicon tanto excuse awor ta invento intellectual pa votadornan tur esaki nan ta,na Hullanda ta duidelijk.Aruba no ta Hullanda mi no ta comprende dicon tanto excuse tocante e M.....nan cu ta jama nan mis gay,gay ta un palabra ingles na Papiamento nos ta jame M......Un arroz a keda arroz,un mata di kwihi a keda mata di kwihi e no a cambia loque a cambia ta e mente e la cambia pa insano di einan homosexual ect..a sali.Mi no a bini mundo door di dos mesun sex abo si?Si duna e asunto aki attencion mester duna e Choller nan tambe,e drogadito nan ect...Casmento di mes un sex no tabata existi ta na Hullanda e cos ei a cuminsa djis pa gana voto ect...

jan van der straten
June 25, 2013
201.229.42.107
Votes: +3
...

Natuurlijk staat het de 7 voorgangers vrij om hun commentaar te geven. Ik hoop en bid dat deze voorgangers op die dag dat ze bij elkaar waren langdurig hebben gebeden voor al die vaders en moeders die worstelen om hun kind. IK hoop dat ze langdurig hebben gebeden voor al die kinderen die worstelen met hun identiteit. Ik hoop en bid dat die voorgangers in staat zijn om al die kinderen met Gods liefde te omarmen, want als ze denken dat in hun gemeente er geen kinderen zijn die met hun identiteit worstelen, dan slaan ze de plank mis. Ik weet wel dat ouders, die blijven houden van deze kinderen, hen steunen en hen op weg helpen mogen rekenen op GOds liefde. Dan is een dergelijke verklaring niet nodig. Alleen maar liefdevolle armen, die de kinderen en hun ouders omarmen en zeggen dat ze voor God/Jezus kostbaar zijn en blijven.

nan
June 25, 2013
201.229.30.77
Votes: +3
...

Iglesia Katholico a nace na 333 anja despues di Cristo. E iglesia cristian a wordo funda den tempo di Cornelio, un soldad romano. Lesa e buki di hebreonan. Iglesia di e tempo ey ta un relacion cu Dios y no un religion. Den e buki di Romanonan e promer capitolo ta papia di 26 Por esto Dios los entregó a pasiones vergonzosas; pues aun sus mujeres cambiaron el uso natural por el que es contra naturaleza, 27 y de igual modo también los hombres, dejando el uso natural de la mujer, se encendieron en su lascivia unos con otros, cometiendo hechos vergonzosos hombres con hombres, y recibiendo en sí mismos la retribución debida a su extravío.

Erudiet
June 25, 2013
84.31.160.115
Votes: -2
...

Laga pueblo dicidi! September ora di vota pa un gobierno por usa e ocashon pa kies SI of NO pa matrimonio di e mes un sexo. Anto kla!

YV
June 25, 2013
201.229.31.54
Votes: -2
...

Ken e hendenan aki ta kere cu nan ta pa nan ta judge hende?? Un di nan mi sa sigur cu ta biba den adulterio, y bo ta scucha hende ta judge e of su casa? Ta un di e 10 mandamentonan. Y ken e hendenan aki ta kere cu nan ta pa ta tuma un posicion superior na otro?? Bay wak boso bida prome y stop di judge bida di otro.

djisunciudadano
June 25, 2013
201.229.35.185
Votes: -3
...

Na tur esnan cu ta referi na "genesis" di bijbel. Si bo a tene bo mes na altura di desaroyonan den iglesia catolico, anto bo lo ta na altura cu iglesia catolico no ta usa "genesis" den nan estudio na Vaticano mas y a confirma cu e parti aki di bijbel ta un storia cu bo tin cu lesa "na analogia" pues cu bo tin cu saca e les di dje. Den e temponan ey, no tabata tin hopi informacion tocante homosexualidad, pues tabata considere como algo abnormal. Awor nos sa miho. E ta algo biologico/genetico, pues e persona ta nace asina. No ta un decision. Tambe e no ta trata cu ta sigui Hulanda. E ta un derecho fundamental di un ser humano, anto esaki ta parti di mayoria di constitucionnan mundial. Iglesia a lo largo tambe tin cu ahusta, no pasobra tin hende na kier pero pa motibo cu cada vez e ser humano atravez di ciencia, ta haya mas informacion y ta bira menos ignorante.

Mahalia
June 25, 2013
201.229.11.29
Votes: +4
...

@El Canario; homosexualidad semper tabata existi. Ta djies cu awor hende tin mas curashi pa "come out of the closet" cu antes. Awor nan no mester tin miedo di wordo tortura of accusa di "satanismo" manera antes. Ta bon mes cu kinan no ta barbaro manera na Afrika. Unda e lesbiananan ta wordo viola pa "cura" nan. E "doctornan" nan aki merece mas maldicion.

... Low-rated comment [Show]
Mahalia
June 25, 2013
201.229.11.29
Votes: +7
...

Mi ta babuca. Ainda hende ta kere cu homosexualidad ta un decision. Ningun hende ta dicidi di bira homosexual, ningun hende lo KIES pa deal cu hende ignorante cu lo huzga nan pa nan bida. Ningun hende lo KIES pa wordo persigui pa nan preferencia.

Biologie. Si bo a let op den klas, bo lo sa cu no ta un decision. E ta den nan naturalesa. Nan no por cambia nan mes. Nan no por wordo "cura" di algo cu no ta un malesa. Homosexualidad ta masha normal mes den naturalesa. Ta hende ta sinta lanta stof pa algo cu ta natural.

Y si nan ta nace asina, ken su fout e ta? Unta Dios a traha nan? Si e a traha nan asina, ken abo ta pa huzga?

yo soy
June 25, 2013
201.229.14.183
Votes: +5
...

Awel, boso no conoce e palabra di Dios,no ta pornada Dos ta bias den genesis cu e la crea e muhe pa e homber y homber pa muher, pero ya hende atrobe kier troce e berdad y troce palabra di Dios. si no kier respeta iglesia Cristian wel respeta siquiera palabra di Dios.

son of God
June 25, 2013
201.229.35.210
Votes: +8
...

Dios su palabra ta bisa: mi pueblo ta bai perdi pa falta di conocemento.
Na prome lugar Dios no a traha Steve y Eva anto bisa na Adam: "skohe un".
Hesus no bin predica religion, sino e evangelio, "e bon nobo"
Dios ta considera relashon entre mesun sexo un abominacion. No worry kiko hende ta bisa bai lesa bo bijbel.
Gomora y Sodoma ta un ehempel cu Dios a destrui completo, pasobra e habitantenan tawata praktica homosesualidad.

Hesus no a bin pa condena, pero e la bin pa libera. Ora nan kier a piedra un muher adulterio. Hesus a bise mi no ta bai huzga bo...pero bai y no PECA mas. (NO SIGUI ADULTERIA)....abo kier sigui biba den bo vagabunderia?

Sibelia
June 25, 2013
201.229.41.137
Votes: +2
...

Wak Shonan. DIos no a haci ningun hende homosexual. Lesa bo beibel y lo bo hanja sa si Dios a haci hende homosexual. Si boso ta lesa beibel, boso lo sa kiko Dios a haci cu Sodoma y Gomora, cual ciudadnan tawata yen di homosexual. Ami no tin nada contra nan, pero ami ta purba di biba segun palabra di Dios. Y homosexualidad ta un abominacion contra norma y balornan y e palabra di Dios. E ta hopi preocupante y Aruba ta bai cay den un abizmo y Dios lo castiga nos fuertemente. Nos niun ta perfecto, pero ami ta lesa mi beibel tur dia y mi ta conciente loke Dios ta capaz di haci cu Aruba si nos desobedece y no biba manera e kier pa nos biba.

Evangelio.com
June 25, 2013
186.190.233.251
Votes: +1
...

E pueblo di Dios ta sigui perece pa falta di conocemento!! Dios a crea Adam cu Eva no Adam y Evaristo!! No tin nada wrong cu e palabra di Dios. Stop di tapa pica cu un dede!! Na unda den beibel ta skirbi cu ta un iglesia Cristian Cataolico tin??? Uhh? Pls!! E asunto aki no ta pa hunga religion ni politica!! No ta paso mundo ta asepta e malo pa bon esey ta hasi cu e ta bon!! Set bo mente...set bo curason!!

mayra
June 25, 2013
201.229.9.28
Votes: -3
...

awel si cu boso nan,ta den ki mundo boso ta biba anto? si bosonan ta lesa e palabra di Dios lo boso por comprende kiko Dios a hasi cu sodoma y gomora....acaso boso kier pa nos tambe haya yobida di candela y bira pilar di salo?busca Dios y stop di papia coi kens.

Snapback
June 25, 2013
94.210.21.113
Votes: +7
...

If "God" made someone a homosexual, it's because there was nothing wrong with that person in the first place.

JeyJ
June 25, 2013
188.91.104.133
Votes: +12
...


Wak cuanto homosexual ta cana rond na Aruba, unda cu bo bai bo ta topa 3 ta cana. Kiko lo hasi e diferencia si nan ta casa o laga? Un ta bo bida of mi bida nan ta afecta, mi problema no ta bo problema y vice-versa. Encambio wak con hopi bida e pastor nan a daña door di hasi acto di pedofiel rond mundo pero esei si nan a hinka den un doofpot. Ademas di esei e ta scientificamente indica cu e tin cu haber cu e production di typo hormoon y no 'diablo' of whatsoever....ta 2013.

"APARTHEID" na Zuid Africa tambe tabata un,'PRINCIPIO', 'NORMA' y 'BALOR' pero esaki ta CORRECTO?!?! Y como pastor bo ta bisa "pa no viola e palabra di Dios pero atene na dje como e forma con Dios Tata kier pa nos biba" Pero ABO ta ken pa HUZGA dicon homosexual ta contra e principio di DIOS. ABO ta hiba bo biba 100% segun principio di DIOS?? Niun hende por.

luydens_S
June 25, 2013
201.229.77.179
Votes: +4
...

Amen y Amen.

Dimas?
June 24, 2013
201.229.76.238
Votes: +2
...

Ami como un Catholico vooral ta haya e programa aki interesante. Na prome lugar, unda e peronanan aki a studia como pastoor? Ta un Iglesia tin, Catholico Romano. Na di dos lugar, ami como un Catholico no por corda ningun caminda cu Hesus a bisa: Homosexualidad ta un pica. Como Cathilico/Christian, ja caba nos ta kibra hopi mandamentonan concerniendo kico di come, con pa actua, etc, mi ta skip e buki di Leviticonan completamente, debi cu Hesus a bin cu un testament nobo, di stima otro y di no juzga. Mi ta fielmente contra matamento, ja cu esey ta explicitamente condena den e 10 mandamento nan, pero otro cosnan nos mester laga como derechonan individual di cada persona. Bendishon.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter