Monday, 01 September 2014
Mainta di informacion pa contratistanan interesa den MFA Print E-mail
Monday, 24 June 2013 20:20

MFA

Proximamente e proyectonan di MFA, Multi Functionele Accommodatie, ta yegando su fase di bay destaho publico pa su ehecucion. Den cuadro di esaki, Gobierno di Aruba ta organisando un mainta di informacion cu ta tuma luga diabierna awor. Plan di Gabinete Mike Eman ta pa reconstrui y amplia edificionan existente di Oficinanan Auxiliar di Gobierno pa bira sede di MFA, den cual lo bay amplia e servicionan cu ta wordo duna y integra esaki cu areanan basa riba necesidad di cada districto.

Pa medio di esaki Gobierno ta manda un invitacion na tur contratista interesa pa participa den e destaho publico, pa un mainta di informacion riba e prome proyecto, cu ta e MFA di Noord. Durante e mainta di informacion aki representante di e contratistanan ta haya un splicacion amplio di kico e proyecto di MFA ta encera, kico kier logra cu e tipo di edificionan aki, y e arkitecto encarga cu diseño lo bay ta presente pa duna splicacion di e parti tecnico. E intencion ta pa e contratistanan interesa probecha di presencia di esnan envolvi den e proyecto, pa haci tur pregunta necesario. Di e manera aki nan ta bon prepara ora cu e fase di destaho publico, den e caso aki di MFA di Noord, cuminsa. E mainta di informacion lo tuma luga diabierna awor, 28 di juni, na Dr. Edward Cheung Center for Innovation, situa riba Sasaki, for di 10.30 di mainta pa 12’or di merdia.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter