Wednesday, 30 July 2014
Prome Minister hopi contento cu cambionan realisa cu sosten di personal na Censo Print E-mail
Monday, 24 June 2013 20:14

Dim lights

Durante un conferencia teni siman pasa, Prome Minister Mike Eman a expresa un satisfaccion grandi pa e trabou desplega door di Sharlin Luydens como directora di Censo a atende tur e problema di e departamento na un manera hopi profesional. Den un informe suministra na Gobierno, sra. Luydens a pone hopi cla cual tabata e puntonan cu tabata crea hopi tardansa den tardansa di cierto documentonan.

Un di e problemanan tabata e edificio cu no tabata esun mas ideal, pero a haci algun adaptacion den e edificio cu a crea un mehoracion den e forma cu ta atende cu publico. Tur esaki basa riba recomendacionnan di e staff di directora di Censo. Pero Censo tabatin un problema grandi, e falta di personal pa cual tabata kier profesionalnan hopi masha capacita pa yuda hiba e departamento na su siguiente nivel. A pasa den seleccion di un grupo pa scoge e personanan cu por mehora e servicio y henter e organisacion. Tur e seleccion a wordo haci den consulta cu staff di Censo. E resultado tabata cu a tuma algo mas cu diez persona y faltando cuatro mas pa nombra. Tur e hendenan aki ta duna un man pa duna un empuhe grandi na mehoracion di servicio. Di otro banda tambe a automatisa e oficinanan auxiliar di Gobierno, pa evita cu e oficina central ta e unico cu ta saca of duna uittreksel. Door di conexion cu e data bank di Censo, e oficinanan auxiliar di Gobierno tambe por a sumninistra cierto documentonan cu antes ta solamente na Censo por a wordo busca. Na e cede principal di Censo, tambe a cambia e sistema cu ta atende cu publico, similar na loke ta wordo uza na AZV y Setar. Esaki combina cu uzo di mas trahado na balo ta permiti un miho fluho di e clientenan. Tur e cambionan aki cu a resulta positivo a wordo haci riba sugerencia di directora y staff di e departamento. Den esaki a manda elogio tambe pa Piet Pronk, di Ministerio di Asuntonan General, cu a duna un man grandi pa coordina e cambionan na e departamento aki cu ta cay bou di Prome Minister. "Mi ta contento di tabatin personanan pa determina pa haci e cambionan aki." Den e cambionan, a muda e seccion di paspoort pa un otro oficina y den un forma hopi sigur, segun standardnan Europeo. E plannan ta pa den futuro cercano, Censo wordo muda pa e edificio monumental di DOW cu mester wordo mehora ainda. Con e lo wordo ehecuta, no a wordo dicidi ainda, pasobra tanto SOGA como Monumentenzorg ta interesa den renoba e edificio. Pa Gobierno ta importante pa e edificio wordo drecha pa Censo por drenta den dje mas liher posibel. Solamente mester ofrece tur loke cu Censo mester pa brinda un bon servicio na publico. Esaki pa motibo cu e actual edificio ta chikito. Di tur manera e mandatario tabatin elogio pa e mehoracion grandi cu tabatin na Censo cual tabata un "bon trabou" haci. Mirando e popularidad awendia di oficinanan auxiliar di Gobierno, esakinan ta e proximonan pa wordo remodela. Tin miles di ciudadano ta haci uzo di e oficinanan aki pa paga recibonan of haci un otro transaccion. Tur e cinco oficinanan lo wordo converti den edificionan multifuncional, creando un ambiente placentero, y creando facilidadnan adicional pa habitantenan di e bario.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter