Friday, 31 October 2014
Prome Minister Mike Eman: Economica di San Nicolas drentando un fase nobo di desaroyo cu introduccion di 'Zona Fiscal' y inversionnan grandi den infrastructura Print E-mail
Monday, 24 June 2013 19:52

mike bentahanan

Den conferencia di prensa duna ayera dor di Gabinete Mike Eman, Prome Minister hunto cu Minister di Asuntonan Economico, Michelle Hooyboer Winklaar a amplia riba e reformanan fiscal cu ta drenta na vigor dia 1 di juli proximo. Entre e puntonan principal ta conta e establecimento di un zona fiscal nobo pa San Nicolas pa atrae inversion, crea cupo di trabou y stimula e economia di e districto.

Esey, hunto cu mehoracionnan den infrastructura y e construccion di e 'Green Corridor' ta forma e vision cu e gobierno aki tin pa e desaroyo general di San Nicolas. E reformanan fiscal, manera ta conoci, ta basa riba decisionnan acorda durante Dialogo Social di november ultimo. Aki Gobierno hunto cu socionan di e diferente gremionan, a bay di acuerdo pa bin cu hermentnan di estimulo economico. Un di e hermentnan ey ta un regimen fiscal nobo specificamente destina pa e economia di San Nicolas. “Gremionan comercial, sindical y di parti di gobierno a apunta specialistanan pa haci e trabou di traduci e decision di Dialogo Social den leynan concreto pa introduci y ehecuta. Esey finalmente a keda concretisa diabierna ultimo,” Premier Eman a splica. Minister di Finanzas, como e titular encarga di asuntonan fiscal, tin e tarea di haci e informacion publico den media local prome cu drenta na vigor dia 1 di juli den cuadro di un maneho di transparencia mientras cu na mesun momento ta traha riba e proyectonan na bienestar di nos pais. E zona fiscal nobo pa area di San Nicolas ta inclui, entre otro cu companianan cu ta establece den e area specifico aki, defini den ley, lo haya cierto bentahanan fiscal cu ta haci e comercio mas atractivo y consecuentemente, e economia. Aki ta papia di un impuesto reduci riba belasting, acomodacion di establecimento y cantidad di personal cu ta bay haci un diferencia substancial. E prome mandatario a duna un ehempel bisando cu “pa loke ta trata winstbelasting, tin companianan cu ta bay haya un winstbelasting reduci te na 15%, mientras cu otronan por yega te na 10% bou condicion cu 75% di e actividad di e empresa ta dirigi riba exportacion.” Minister President splica cu San Nicolas, mas cu otro areanan di e isla, a haya un deterioro fisico y economico durante e ocho añanan di e gobernacion anterior. Gabinete Mike Eman for di su cuminsamento y te hasta prome, a traha riba un cambio di direccion mehorando no solamente e infrastructura di e districto, pero awo tambe su desaroyo comercial. “Nos ta invertiendo hopi den haci San Nicolas atractivo atrobe. Fisicamente bo ta wak henter e area renoba cu edificionan monumental, scolnan renoba y henter e area a conoce un ‘facelift’ pa hacie mas atractivo pa inversion.” Tur e esfuersonan aki ta forma parti di e plan macro cu Gabinete Mike Eman tin pa e pais den su totalidad. E mehoracion di infrastructura y di e ambiente economico di San Nicolas ta conecta cu e resto di e isla pa medio di e Green Corridor. “Un bes cu tin un miho conexion entre pabou y pariba, esey ta bay stimula e economia grandemente,” Premier Eman a splica indicando cu lo facilita e transporte di hende y carga den ambos direccion. E mehoracion y embeyecemento di centro di ciudad na San Nicolas, e renobacion di caya y barionan, e mehoracion di facilidadnan publico manera scol y edificionan historico como tambe e introduccion di servicio manera oficina di turismo, entre otro, ta suma na e estimulo economico cu lo percura pa e henter e area di San Nicolas prospera y conoce un renacemento cu lo beneficia henter e districto y su poblacion den tur aspecto social y economico.

Comentarionan (2)Add Comment
black opal
June 25, 2013
201.229.116.17
Votes: +9
...

Election ta den porta, anto henter Aruba sa cu San Nicolas ta duna AVP majoria di nan voto, despues di casi 4 anja nan ta corda cu San Nicolas ta na bida, COME ONE STOP THAT CHEAP POLITIC TALK AND GET REAL, STOP BEING A TRAITER TO YOURSELF AND START BEING HONEST, YOU DO NOT NEED TO PLAY THE FOOL WITH SAN NICOLAS, I AM SURE THEY WILL VOTE FOR YOU ANYHOW BECAUSE THEY ARE LOYAL PEOPLE, A WORD THAT AVP KNOWS NOTHING ABOUT.San Nicolas people wake up and stop being the money machine for AVP, they do not share it with you but in a TROLLY.

De Spiegel
June 24, 2013
201.229.117.72
Votes: +8
...

Blijkbaar Mundo a para,despues di "Day One",Now is Pay-day,ban parti "Pinda".Unta manera di tuma Hende hasi.Asta cu "Fondo Desaroyo San Nicolas",a deshasi di "Placa di Pueblo" usando S.N pa nan propio benefisio.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter