Tuesday, 30 September 2014
60% di ex-trahadornan di Valero a haya trabou, Minister Otmar Oduber a inda cu lo sigui haci esfuerzonan pa 100% di nan wordo ubica Print E-mail
Monday, 24 June 2013 18:08

Otmar Oduber009

Minister Otmar Oduber a anuncia cu aproximadamente 60% di esnan cu a perde trabou den Valero a haya trabou caba. Na luna di februari e mandatario a pidi Departamento di Labor y Investigacion (DAO) pa realiza un analisis di e impacto di ciere di Valero den nos mercado laboral, cual tabatin e obhetivo di mira cual ta e estado laboral di esnan cu a perde trabou na e refineria.

Mirando e resultadonan aki cu ta yega te na luna di april di e aña 2013, Minister Oduber ta bisa cu por considera e resultadonan como positivo, pero cu e no lo keda contento te ora cu e 100% di e trahadornan cu a perde nan trabou por ta ubica. Den cuadro di esaki por bisa cu e mercado laboral dinamico cu por a mira den ultimo añanan a contribui grandemente na abosrba un gran parti di e trahadornan di Valero cu por cierto tin caracteristicanan dificil mirando nan area di experticio cu ta hopi specifico. Mescos por bisa cu e pasonan inmediato cu Gobierno a tuma pa busca un solucion rapido pa e trahadornan aki a hunga un rol importante. Ministernan di Gabinete Mike Eman, specialmente Minister Otmar Oduber y Minister Mike de Meza, encabeza pa Promer Minister Mike Eman a realiza un serie di reunionnan cu e partnernan, empresanan y companianan pa mira e posibilidadnan di por crea cuponan di trabou den mercado laboral pa por absorba e ex-trahadornan di Valero. Awe por mira cu e resultadonan tabata positivo logrando cu aproximadamente 60% di e trahadornan en cuestion a haya un trabou. Algun di nan a haya trabou na un otro compania local, otronan a habri nan mesun negoshi, algun di nan a bay of ta bayendo exterior, otronan a retira, lamentablemente un di nan a fayece y otronan a dicidi di keda no activo. E analisis a wordo haci teniendo na cuenta e datonan oficial di Valero caminda un total di 480 trahador a haya nan retiro. Di e total di trahadornan aki tin un total di 157 persona cu ainda no a logra haya trabou, pero Minister Otmar Oduber ta positivo cu dentro di poco e scenario aki lo cambia mirando cu Ritz Carlton ta habriendo su portanan dentro di algun luna y lo tin 600 cupo di trabou habri pa diferente funcionnan na e resort aki. Banda di esaki tin diferente otro proyectonan den proceso cu lo por facilita trabou na e personanan aki. Manera el a bisa, “trabounan lo continua pa por sigura cu tur e 157 personanan aki cu ainda no a haya trabou por wordo ubica, maneho na DPL lo wordo redirigi pa yuda den e proceso aki y lo tin diferente otro medio pa por yega na e meta aki”.

Comentarionan (9)Add Comment
ex trahado
June 25, 2013
201.229.29.201
Votes: +2
...

Nan a haja trabow pero na su cas hopi di nos no tin paso na aruba un tin nada danki na avp...hopi danki pa gana I hopi danki ku awo mi tin ku bay laga mi famia I amigo nan ki bow na aruba paso ami tambe ta baindo afo bay traha....danki atrobe AVP..sigi fota pa nan...

ex trahado di valero
June 25, 2013
206.48.20.133
Votes: +5
...

Semper e "Uniko Kameel na mundo cu a pasa door di wowo di hangua" no ta bisa TUR berdad. Minister ta bisa cu 60% a haya trabouw caba, pero no ta bisa cu 100% di esnan cu a keda ARUBA, mester a REDUCI nan ENTRADA y BENEFICIONAN SUBSTANCIALMENTE cu nan tabata tin, pa accepta un trabouw na Aruba mes y pa forma un biba. Minister Otimari, NO a logra nada pa tene e Refineria habri, despues cu IRRESPONSABLEMENTE a regala Valero MILLONES di Dollars sin haya NADA a cambio! Bai ta sigui purba na MANIPULA PUEBLO!

ArubaDave
June 25, 2013
201.229.116.227
Votes: +4
...

Lo mi tin gana di wak e datos nan ey cu sifra real.
Hopi di e supuestamente 60% ey a bai atras cu mas cu 50% den nan salario.
Hopi hende a bai traha afo.
Hopi cu tin riba 55 anja no ta ni worry pa busca trabow mas.
Y kiko bosonan a hasi cu tur e plaka di belasting cu boso a hanja di e aflossing cu e empleadonan a hanja ?
mas cu 10 miyon florin sigur sigur

indian297
June 25, 2013
209.88.128.20
Votes: +9
...

Otmar stop di papia coy loco i stop di ganja, 60% por a haya trabou si pero no Qatar, Abu Dhabi, United Arab Emirates i Saudi Arabia. Tur hende sa na Aruba no tin trabou pa tur e trahador ney, bo por ganja hopi hende pero bo no por ganja tur.

paulus martijn
June 25, 2013
86.51.162.209
Votes: +7
...

pakico boso no ta pone mi comment anto pasobra e ta papia contra otmar kiermen nos opinion n
o ta conta anto mi no a scribi ni un palabra malo tog

paulus martijn
June 25, 2013
86.51.162.209
Votes: +12
...

otmartje danki na boso nos ta aki nan sin nos fam i amistadnan pasobra boso no a cumpli cu boso promesa,pero no worry ami i mi otro coleganan cu ta aki nan lo bay tei na sept uno pa voto contra boso di dos bringa i lucha te na morto mes si mester pa duna kada un ARUBIANO NAN LUGAR DI BIBA BEK,aruba ta pa arubiano biba.

Zuiger
June 24, 2013
201.229.37.226
Votes: +15
...

60%? En dat heb je ook uit je duim gezogen, Otmartje?

Realistico82
June 24, 2013
201.229.71.25
Votes: +13
...

Di e 60% ney mitar a bay traha AFO paso na Aruba no tin trabou pa nan. Ban ta sincero si !!

x trahado di valero refinery
June 24, 2013
201.229.73.200
Votes: +15
...

Otmar, ma bai hopi biaha serca bo anto nunca bo no por a yuda ami y un paar di colega mas di nos cu a sali di Valero djis paso nos ta di otro partido.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter