Friday, 28 November 2014
Na Tarabana a keda demostra atrobe Pueblo ta capta e concepto di BoBario y ta sosten’e Print E-mail
Monday, 24 June 2013 14:37
Comparti
DSC_2063
Loke na prome instante a capta hopi hende di sorpresa, awe despues di mas di tres aña pueblo ta mira como parti di e bon gobernacion di Gabinete Mike Eman. Habitantenan di tur bario a custumbra caba cu no ta nada straño pa mira e prome mandatario di e pais canando rond, drentando cas pa cuminda y combersa.

E ta djis parti di e vision cu tin pa hiba Aruba dilanti, un formula caminda gobierno ta mas cu djis e sirbidor di pueblo pero hunto ta planea y traha pa progreso.

Esaki a keda confirma ayera mainta dor di entre otro, Sr. Edgar Holsman di Cantaloupestraat, kende despues di a haya sa cu Premier Eman lo ta den bario diahuebs, a ofrece su mes como un guia pa pasa den algun di e cayanan di Tarabana. “E ta un bon bishita pa e tin conocemento di ki ta andando den bario,” e biciña a indica. Aunke el a admiti cu e bario no tin falta di nada, e ta reconoce cu semper ta bon pa lidernan mantene un contacto estrecho y lazo di comunicacion. “E bishitanan di Prome Minister ta bon paso e ta consciente di su pueblo. Un bon idea y bon sistema.”

Dor di tin e oportunidad di por papia personalmente cu Minister President, e ciudadano ta sinti e libertad no solamente di elogia loke ta bayendo bon, pero tambe di pone atencion riba loke ainda falta. Den e caso di Sra. Julieta Maduro di Dadelstraat, e ta confirma su sosten pa e maneho di Gabinete Mike Eman. “Ami ta hopi sigur di Mike.” Pero tambe, el a vocifera su deseo di wak e bario ta mas activo cu e muchanan. “Mester pone hopi mas actividad di deporte den Dakota,” Sra. Maduro a comenta. En general, e ta hopi satisfecho y el a indica esey bisando “E gobierno aki ta haciendo bon trabou. A renoba hopi scol, casnan di pueblo, e camindanan, caya principal cu ta birando bunita…Ta henter Aruba el a drecha.”

Ta hustamente e oportunidad di papia cu e mandatario, y e Minister su actitud semper cordial ta loke ta crea un  confianza instantaneo. Manera Sr. Mario Wolter ta bisa “Ora un hende tin un cos na curazon, e ta bis’e  personalmente y ta sinti su mes miho.” Como habitante di Tarabana, Sr. Wolter ta uni su mes na e grupo di bario cu ta similar na di hopi otro districto di Aruba, tambe ta wak con hopi Aruba a bay dilanti. “Por bisa cu ta gasta placa, pero bo por wak unda e ta bay y unda bo placa di belasting ta wordo benta,” asina el a expresa. Pueblo di Aruba tin confianza den Gabinete Mike Eman y ta ripara cu tur esfuerzo y recurso ta wordo deposita den bienestar di e pais y su hendenan.

dowers dowers  

Comentarionan (3)Add Comment
De Spiegel
June 25, 2013
201.229.16.243
Votes: +0
...

E l****nnan di 2009 nan a capturanan,ahinda mi ta corda E video clip,cu despeus "E Super Homber MIKE",t presenta pa salba e Peublo di e l****nnan.coi Hari,Hahahahahah.

... Low-rated comment [Show]
Oops
June 24, 2013
201.229.35.59
Votes: +3
...

Mike splica pueblo cu Hulanda NO TA FIA BO PLACA!! Pasobra bo maneho di finansas ta full fout. Awor mester subi mercado international pa fia y na un rente hopi halto!!

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter