Wednesday, 03 September 2014
Bario Mabon super contento y felis cu lusnan den Bario Print E-mail
Monday, 24 June 2013 11:13
Dia 19 di juni 2013, prome minister a bin den bario mabon pa pega e prome lusnan den bario. Hopi di e habitantenan a bin presensia e momento aki cu tanto nos tawata spera ariba dje. Pa hopi anjas a colecta firma door di diferente grupo y tawata hiba e lista di firma na e gobierno anterior pa hanja oido con importante e lus den bario ta pa e habitantenan, pero esaki nunca a sosode di parti e gobierno anterior.

Mas cu seis lista largo di firma di parti cada habitante ta loke tawata hiba y bati na porta di e gobierno di mep tempo cu nan tawata sinta. Ora cu a bin cambio di gobierno, un biaha mas a disidi di aserca e gobierno actual y nos di bario a mira con importante e ta pa no mester give up nunca. Perde speransa den un, no ta nifica cu no tin speransa den un otro. Esaki ta exactamente loke a sosode. Comite NPU, nos prohimo uni kier a gradisi e grupo na prome lugar cu nunca a give up. E tempo cu a tuma pa colecta firma di cada habitante, no tawata envano, awe danki na gobierno actual, gobierno avp, nos tin lusnan den nos bario. Despues cu a pega e tres prome lusnan, nos tawata entendi cu e resto di lusnan lo bin despues y a pensa cu despues lo ta aki un paar di luna y pa nos sorpresa di 23 di juni, dos dia despues, asina cu anochi a cuminsa sera, a ripara cu tin lus na cada palo den cada skina rond di e bario. Esaki a nifica masha hopi pa nos di bario y nos kier a duna partido avp un danki enorme. Masha, masha, masha danki. Danki na Prome Minister Eman cu semper a bishita tur bario, semper ta skucha tur habitante y tin nos petishon na pecho.

Mi persona, Astrid Vries como e presidente di e comite di bario mabon, comite NPU, nos prohimo uni. Mi no kier bisa esaki como un contexto politica, pero mi kier pa nos mire como un context basa riba un persona cu a sabi ocupa e puesto di un gobernante, cu ta bishita su pueblo y ta skucha su pueblo y di curason, e ta hasi tur esfuerso pa mira cu e pueblo hanja loke e merese, esaki mi ta bise pa nos Prome Minister Mike Eman. Cu nos pone politica un banda un rato, nos tur por bisa cu enberdat pueblo tin un gran homber cu ta traha pa su pueblo. Danki un biaha mas na e gobierno actual, pabien na tur otro bario cu a hanja lusnan tambe y na esnan cu ainda no hanja, di boso tambe ta na caminda. Di parti ful e team di Comite NPU, di parti cada un habitante di grandi te chikito, di parti Alan Howell cu tambe ta un gran sosten den e bario, we just want to say: THANK YOU!!!

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter