Friday, 31 October 2014
Michelle Winklaar a lansa campaña den forma sano Print E-mail
Sunday, 23 June 2013 21:12

frot michelle009

Memey di un grupo di participante, Michelle Hooyboer-Winklaar a lansa su campaña politico pa e siguiente eleccion, cu un caminata den parke nacional Arikok cu a sali diadomingo 6or di mainta. Mirando solo sali, scuchando splicacion di e Park Rangernan di nos flora y fauna, e actual Minister di Asuntonan Economico, Asuntonan Social y Cultura a anuncia oficialmente cu su campaña “Profesional cu curason” ta start.

“Cuater aña pasa mi a lansa mi mes den arena politico, den un tienda cu na e momento ey tabata cera den caya grandi. Mi a scoge pa inicia mi campaña eynan pa asina demostra e vision di partido AVP pa cambia e rumbo di no solamente e centro di ciudad, sino di henter nos isla”, asina Michelle Hooyboer-Winklaar a bisa durante su discurso den Parke Nacional Arikok. "E dia ey tabatin mas o menos 20 hende pa lansamento di mi campaña", asina Michelle Hooyboer-Winklaar ta corda ainda. Awor na aña 2013 a lansa su campaña cu un grupo grandi di persona presente, locual sin duda ta yena e politico cu masha orguyo. Cuater aña pasa el a sali for di sector priva, e tabata masha bon y confortabel, pero a haya un peticion pa join e partido. “Mi a papia cu varios hende y mayoria a desconseha mi. Tur tabata bisa mi pa no haci'e, no pasobra a pensa cu mi no tabatin e calidad pa haci e trabou, sino mas bien pasobra nan kier proteha mi di e cosnan menos bon cu politica sa trece cune”. Asina mes el a pens’e bon y na final a dicidi di drenta arena politico. “A sosode hopi den e ultimo 4 añanan, hopi proyecto a wordo ehecuta, no di mi so sino tambe di tur mi coleganan y henter e ekipo grandi di AVP”, di acuerdo cu e mandatario. “Mi tin cu admiti cu den e ultimo añanan tabatin momentonan tambe menos bunita, pero esey ta bin semper den politica, e peso y sacrificio pa mi y mi famia tabata hopi grandi. Mi mester a pensa hopi kico mi ta bay haci, si mi lo sigui of no. Mi a bay bek na mayoria di esunnan cu mi a papia 4 aña pasa, pa evalua mi decision di sigui of no. Contrario na 4 aña pasa, e biaha aki tur a conseha mi pa sigui, pa caba cu e trabou andando y ehecuta e plannan cu tabatin y ainda tin riba mesa”, asina Michelle Hooyboer-Winklaar a bisa. Pa loke ta e motibo di sigui pa un periodo mas, Michelle Hooyboer-Winklaar a bisa esunnan presente cu el a topa hopi hende den e ultimo 4 añanan, masha hopi hende mes, cu hopi storianan hopi inspirativo. “Esunnan mas vulnerabel den nos comunidad, mi a realisa cu mayoria di nan ta esunnan mas fuerte den nos comunidad, pasobra nan ta lucha. Apesar di tur obstaculo den nan caminda, nan ta sigui bay. E mama soltera, cu a sali for di un situacion di violencia domestico, ta demostra cu un hende por benta bo abou, pero cu bo ta lanta y para bek riba pia y ta sigui. E empresario cu kier habri un negoshi chikito cu hopi pasion, dedicacion y sodo pa su idea por bira exitoso”, asina el a conta di experiencia propio despues di 4 aña den funcion. “Tin asina hopi storia y de facto, esey ta e motibo cu mi a dicidi pa sigui. Pasobra si personanan asina por demostra cu nan tin e forsa cu nan por cambia nan bida, nan por contribui na un miho Aruba, anto sigur ami tambe mester haci di mi parti. Di otro banda, separa di e grupo ey, mi ta sigui tambe danki na Boso, pasobra mi ta ripara cu mi por conta cu Boso sosten. Mi ta conta cu Boso sosten di awor pa dia 27 di september, caminda un biaha mas Aruba ta mustra cu nan ta uni den nan pensamento cu Aruba mester sigui bay dilanti”, asina Michelle Hooyboer-Winklaar a duna di conoce. Na final el a bisa cu “Mi style di politica kisas no ta usual, hopi biaha hendenan sa bisa mi cu mi mester ta hopi mas agresivo, cu mi mester ataca mas. Pero pa mi, esey simplemente no ta ami y mi ta sigui hopi locual mi mayornan a siña mi na cas, y esey ta trata hende manera bo mes kier wordo trata. Y den esey mester por trece un opinion padilanti sin mester insulta, sin mester baha na un otro nivel, ami en todo caso ta kere hopi den esey”, asina Hooyboer-Winklaar a bisa memey di hopi aplauso di su siguidonan y simpatisantenan. Michelle Hooyboer-Winklaar a sigura cu lo tin mas di e tipo di reunionnan y eventonan asina, for di awor pa eleccion den cual e lo kier conta mas di su vision y plannan pa e periodo di gobernacion nos dilanti.

gallery1 gallery1 gallery1
gallery1 gallery1 gallery1
gallery1 gallery1 gallery1

Comentarionan (13)Add Comment
ricky ricardo
June 24, 2013
201.229.35.117
Votes: +6
...

@first people. E ta obvio cu abo ta vota pa cos. E minister aki no ta pagabo cu voto pa cos,bo ta na adres robez. Y bo observasion mediocre di economia ta mustra ta con bobo bo ta. Si bo a djis bay un di e small business week di e minister aki bo lo a wak cu e tabata sold out anja tras di anja. Loqual si a para ta e economia di corrupcion di vota pa fabor, cu ta loqual abo ta buscando.

Hende Muhe na Poder
June 24, 2013
201.229.36.10
Votes: +3
...

Michelle, Bo a score duro ayera atrobe. Asina mester ta, keto keto pero sigur. Te ainda bo NO tin competencia den e campaña aki, dus ta crece so bo ta sigui crece.

... Low-rated comment [Show]
Save your nonsense
June 24, 2013
201.229.16.54
Votes: +5
...

Hopi bon mes.Sigi asina sanamente den bo campanja biba Aruba....

Lili G
June 24, 2013
201.229.14.137
Votes: +3
...

Hopi Gr8! nice concept y bon pa haci cosnan cu no ta solamente fiesta fiesta pero next time no por please hasie 18:00??? ami a purba lanta pero tabata hopi trempan!! por fabor considera hasie atardi next time y mi tey sigur. WOMAN POWER!

Totoliki
June 24, 2013
201.229.14.137
Votes: +6
...

well well hende bibo lo'n kere. Sra, si bo ta pone un actividad asina trempan, sin alcohol, sin banda, sin duna nada, y tanto hende a show up anto bo a logra algo hopi grandi. Y segun mi ta esey bo kier a test. Mi mes no por a bai ayera pero sigur lo mi tey pa e siguiente. exito.

guano vitamina pa dadel
June 24, 2013
186.190.233.254
Votes: +3
...

Hahahahaha @ nikelodean...... dadel powered by guano hahahahahaja..... ahinda mi ta hari ora tur hende a bisa cheeeeee ora a hanja sa e storia di dadel.... btw bacoba tambe ta powered by guano.... btw un danki na e park ranger tambe y danki na minister tambe... bon trabou

balente
June 24, 2013
201.229.85.75
Votes: +8
...

Na Aruba tin hopi hende balente si ainda. Esaki ta hendenan cu tin Aruba na pecho. Pa bin gradisi y apoya e bon trabow.

exito
June 23, 2013
201.229.85.75
Votes: +12
...

Mi tabata presente, anto tabata admirabel cuanto hende a lanta 4.30 di
marduga pa nan jega 6or den Parke. Pa sostene un candidato politico. Anto nan a bin na masa. Y aki nan no tabata tin niun drup di alcohol y no tabata tin 6 banda pa atraenan. Esaki ta e manera sano pa lanta un Pueblo. E minister aki den tur cos e ta mustra e diferencia. Un profesional cu curazon. Exito y sigiu cu e bon trabow !!

Nikelodean
June 23, 2013
201.229.14.137
Votes: +8
...

FABULOSO e lansamento ki tabata ta hopi cos ma sinja cu nunca mi tabata sa. Mi nunca lo come DADER ever mas! esey un binnen pretje pa esnan cu tabata tey smilies/cheesy.gif Bo forma di anda cu hende nos no a topa nunca. wow. hopi great mes. conta cu mi y mi famia pa cualkier actividad. spera tin mas den parke atrobe.

Memorex
June 23, 2013
201.229.14.137
Votes: +8
...

Michelle nos ta cu bo. wak cuanto hende bo a saca afor di nan cama na oranan di dios. mi mes a keha hopi prome ma sali fe cas pero berdad mi a gosa di dje. hopi bon pensa. bo ta wak cu bo ta pensa e cosnan den politica cu niun otro ta pensa. keep it up girl.

Spiderman
June 23, 2013
201.229.14.137
Votes: +8
...

Hopi Pabien. Esaki ta e forma di mas saludabel, positivo, y responsabel cu bo por lansa un campanja.... mi ta keda asombra con tur politico ta pensa cu ta un tipo di votador so tin. Ta un votador cu ta gusta fiesta so. .... awel lagami bisabo... e forma aki ta yama hopi hende y pa wak cuanto hende ta lanta fe nan cama asina trempan riba un diadomingo ta bisabo esey. Otmar, Paul, Mike, Arthur boso tur sigui cu e fiesta. No cu esey ta malo paso ta un partido nos ta pero ami ta bai pa esun cu ta yudami sinja algo. Esaki si ta bon trabou.

Artista perjudica
June 23, 2013
201.229.119.97
Votes: +2
...

Por fabor minister: drecha e kapel na departamento cltura pa nos hanja lugar pa pone exposicion. E minister anterior a hacie un deposito di romels.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter