Friday, 19 December 2014
Pensionadonan Organisa di Hospitaal Aruba ta organisa un symposio Print E-mail
Sunday, 23 June 2013 20:01
Comparti

IMG 9385
Durante un conferencia di prensa un comición di POHA bao guia di sra. Milda Ter Maten hunto cu Leco Croes I Armand Radjiman a trece padilanti e motibonan dicon POHA a wordu lanta. Ta asina cu 10 anja pasa pensionadonan di hospital a sinti e necesidad pa uni i organisa nan mes.

Niun caminda nan por a bati na porta pa problemanan cu nan tabatin. Entre otro cifrasnan no tabata disponibel tocante nan pensioen. Hasta mester a bai corte pa exigi esaki di Fatum Life. Un abogado di Corsow cu ta domina e materia di pensioen nos mester a contrata. Pues algo carisimo. Tambe nos a tuma contacto cu nos Prome Minister, tocante entre otro e extra reparatietoeslag. Nos tabata bon cla cu nos no ta di acuerdo cu mas of menos 3000 pensionado ta wordu exclui. Esakinan ta pensionadonan di companianan cu tin areglo di pensioen. Por ehempel Lago, Hospitaal, FCCA, banconan etc. etc.. Cu minister di Salubridad tambe tabatin un reunion tocante salubridad en general. Inspectie der Belastingen tambe a wordu bishita tocante implementacion di glidingscale y pa belastingaanslagen un systema mas hustificá. Cu Fatum Life nos tabatin varios reunion. POHA ta sinti cu pensionadonan mester uni nan mes paso hopi puntonan desagradabel no ta bini den spotlight. Nos ta kere cu consientemente nan no ta wordu trata. Nos ta haya cu tin discriminacion, desigualdad I abuso. Pa e motibo aki nos ta organisa un symposio conhunto cu e fundashon Edad No Ta Conta. Aparentemente na casnan di anciano cosnan no ta bai manera debe ser. Informacionnan cu tin ta mustra cu por papia di abuso. Pregunta hopi clave ta kende ta esun responsabel, anto tin un inspecteur van bejaarden aangelegenheden? Pa e symposio aki nos tin hopi sosten di fundashon Edad No Ta Conta. Nos ta invita tur pensionado, pueblo en general, politiconan I esnan cu muy pronto ta bai cu pensioen pa asisti na e symposio aki cu ta bai tuma lugar diarazon awor 26 di juni di 10 ‘or di mainta pa 2’or di merdia na Centro San Martin na Santa Cruz. E ta gratis.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter