Wednesday, 23 April 2014
Minister Ing. Mike de Meza: Muchanan di Mabon tin nan Park atrobe Print E-mail
Sunday, 23 June 2013 18:44

front

Den fin di siman a tuma luga apertura di un bunita proyecto na Mabon. Ta trata di e parke di recreacion na Mabon, awor totalmente renoba. Minister Ing. Mike de Meza tabata presente na e apertura y a bisa di a keda masha contento pa mira con e luga a keda. E ta un park masha bunita pa e hobennan haci bon uzo di dje y specialmente tur e deportistanan di Mabon.

E parke aki a wordo construi entre 1997 y 1998 door di Gobierno di AVP-OLA y na 2001 ora gobierno di MEP a sinta a laga e luga bay hopi atras, mescos cu a pasa cu Joe Laveist Sport Park. Ora cu AVP a drenta bek den Gobierno na November 2009 a haya e luga den un situacion hopi deplorabel. Inmediatamente a cuminsa traha riba e veld pa e muchanan por haci uzo di e cancha di softball. Banda di esaki tabata trahando riba tur e trabaonan di infrastructura y di e alocacion di e fondonan. A tuma un decision pa drecha e luga full. “Colega Minister Visser a traha cu hopi boluntad pa e luga aki wordo drecha. Mi ta sumamente contento y orguyoso di mira awe cuanto hende tin akinan”, e mandatario a manifesta. E muchanan tin un smile riba nan cara ya cu nan a haya nan luga di recrea bek caminda nan por hunga, softball, futbol, basket, tennis, volleyball, entre otro. Ademas tin un casita unda e hobennan por sinta eynan y hunga dam y haci otro tipo di weganan sano, el a agrega. “Lastima cu e mester a dura asina largo y mester a laga e luga bay atras. Pero Mabon por ta contento atrobe. Pueblo en general y esunnan pariba di brug por ta contento ora di mira cuanto proyecto ta tumando luga pariba di brug y rond di nos isla”. Minister Ing. Mike de Meza a expresa cu e ta hopi orguyoso di ta parti di e team di Gabinete Mike Eman cu ta wordo sostene pa un grupo grandi den parlamento cu nan por haci e trabaonan aki pa e barionan pariba di nos isla.

gallery1 gallery1 gallery1
gallery1   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter