Thursday, 23 October 2014
N.V. ELMAR ta yegando 300 instalacion di meter prepago Print E-mail
Sunday, 23 June 2013 13:10

DSC 4009 (Small)

N.V. ELMAR ta hopi orguyoso di anuncia cu na e momento aki ya caba tin un total di 276 meter prepago instala rond di nos isla. Esaki ta den cuadro di e proyecto pa stimula mas uzo eficiente y haci clientenan mas consciente di nan uzo di energia, tanto na cas como den nan negoshi.

Di uza meternan prepago, e clientenan tin mucho mas control riba e forma cu nan ta consumi coriente, pero tambe por mira a base diario, con ta uz’e y den cua parti di nan cas ta uza mas, etc. Esey caba riba su mes ta un adelanto y clientenan tin reaccion positivo so pa e sistema nobo. N.V. ELMAR ta masha contento cu e proyecto piloto aki a haya un acogida hopi grandi den nos comunidad. E proyecto piloto a cuminsa cu 300 meter prepago y e cantidad aki ta casi completamente instala. N.V. ELMAR awo ta evaluando tur aspecto di e proyecto y con clientenan ta experencia uso di e meter prepago. Diariamente peticionnan ta drentando di clientenan cu kier haci e cambio pa un meter prepago. Specialmente casnan na huur, of esunnan cu ta huur apartamento awor ta mas facil. Tambe tin clientenan cu ta bisa cu asina nan por maneha nan presupuesto mensual miho, evitando sorpresa na final di luna ora cu e recibo yega. Cu e sistema di prepago instala door di N.V. ELMAR, clientenan tur dia por mira kico a consumi caba y asina por regula nan presupuesto familiar. Na un inicio a menciona di lo haci e proyecto piloto aki solamente na Noord y San Nicolaas, pero e demanda tabata asina hopi cu de facto N.V. ELMAR a dicidi di complace cu clientenan for di den tur districto di nos isla. Clientenan cu ta interesa pa boluntariamente cambia di nan cobranza postpago pa prepago, por yama N.V. ELMAR libremente na 523-7124 of 523-7169 pa un cita y asina cera conoci cu e sistema nobo aki. E bentaha nan ta multiple, incluyendo e hecho cu no lo haya un recibo mas na cas, lo tin miho control riba uzo y por cumpra carchi pa recarga na varios luga strategico rond di nos isla. Pa mas informacion, por subi e website di N.V. ELMAR na www.elmar.aw pa asina por siña mas di e tecnologia moderno y eficiente aki.

album album album
album   

Comentarionan (2)Add Comment
trabow tin..............
June 23, 2013
201.229.67.125
Votes: +1
...

Hopi bon, awor por pone Mike Eman y Mike de Meza na trabow.
Laga nan instala e meter nobo nan aki.
Asina nos por ta sigur cu nan ta traha y no modela.

BJET
June 23, 2013
84.24.252.133
Votes: +5
...

E demanda ta asina grandi cu nan a dicidi di pone den tur districto???
Hallo 276 meter no ta un demanda grandi. Bisa cu den Noord i SN no a haya mas cas cu kier a doet mee.
E meter prepaga no ta judami cu nada. Paso e ta mescos cu e tubo di awa cu nos tin. Bo ta wak cuanto bo a gasta, pero na final di dia bo ta paga loke bo a usa. Dus nada no ta cambia pero awo por wak tur dia si bo ta desea cuanto bo a usa enbez di via e sytema bieuw unda bo ta haya sa na final di luna riba bo recibo. Dus ami no na unda i con e cos aki por judami save placa.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter