Sunday, 23 November 2014
Bisiñanan den Boegoeroei ta aproba y felicita Gobierno pa e bon trabou Print E-mail
Friday, 07 June 2013 20:14
Comparti

front

Pueblo di Noord a demostra su satisfaccion y aprobacion pa e maneho di Gabinete Mike Eman diahuebs ultimo durante e bishita cu Prome Minister a haci den bario di Boegoeroei y Montaña. Un di e districto di mas grandi na Aruba y esun di crecemento mas lihe den poblacion durante ultimo añanan, Noord ta reconoce tur loke e gobierno aki a bin ta haci y ta manifesta nan apoyo pa sigui asina tambe.

E bishita tabata den cuadro di BoBario su accion semanal caminda hunto cu departamento gubernamental manera SERLIMAR, DOW y Gele Koorts Muskietbestrijding (GKMB) ta realisa limpieza y control na bienestar di e habitantenan. Prome cu e recorido den diferente caya di e bario por a cuminsa, Minister President a haya un bon bini masha caluroso for di un grupo grandi di persona cu a bin ricibi’e na e punto di salida. Mirto Tromp, un bisiña di Boegoeroei a expresa con contento e tabata cu e bishita di e mandatario. “Hopi agradabel, contento cu el a bin,” el a indica. Su bisindario ta den bon condicion manera el a splica cu tin luz y caretera ta bon. “No mester di nada,” el a bisa sigurando cu gobernacion ta hopi bon y esaki mester continua pa cuater aña mas. Entre e proyectonan cu mas e ta gusta cu Gabinete Mike Eman a realisa, Sr. Tromp ta menciona e mehoracion den bario, ponemento di luz, drechamento di caretera y aceranan cu klinkers. P’esey mes el a confesa cu contando su mama tur e desaroyonan aki, finalmente el a combense pa e cambia di afinacion politico. Di su banda, Sr. Hendrik Verreyna, tambe di Boegoeroei a keda masha sorprendi cu e presencia di e lider di gobierno den su bario. “Un bishita inespera di Minister Mike Eman. Mi ta hopi contento cu el a bin bishita mi.” Ambos a combersa un rato riba e bario di Boegoeroei y bisindario. Sr. Verreyna a expresa tambe su deseonan pa su bario y districto, algun di nan cu Gobierno ta poniendo atencion riba dje caba. “E cuater aña aki tabata hopi bon. Mi ta wak cu e careteranan a wordo drecha, nos a haya fietspad, wandelpad, mi ta wak caya grandi ta biniendo cla, mi ta wak tram ta bay core. En total e ta un cos hopi fabuloso,” Hendrik a comenta. E importancia di e bishitanan aki den barionan rond di Aruba ta grandi. E contacto cu e pueblo ta importante, pasobra e representante di gobierno por ta consciente di cada preocupacion di e habitantenan. Ora cu proyectonan wordo implementa, no unicamente ta wordo planea na mesa, pero tambe cu e informacion cu e habitantenan mes ta canalisa via Prome Minister di Aruba. Mescos cu e meneernan aki den Boegoeroei, ciudadanonan tur rond di Aruba tin opinion y ta duna comentarionan similar. Pueblo ta satisfecho cu e Gobierno cu nan tin, pero mas leu ainda, nan sa cu tin mas cos bon na caminda. Den palabranan di Hendrik: “Mi ta hopi contento cu loke nan a haci ultimo cuater añanan aki. E trabou no por caba.”

gallery1 gallery1 gallery1

Comparti
Comentarionan (8)Add Comment
BJET
June 09, 2013
84.24.252.133
Votes: +4
...

@Tin un ley toch?
Mi ta spera cu bo yui nan haya e chens di bay afo i educa nan mes algo cu abo blijkbaar tin falta di dje. Bo ta critica e BBO cu tawata 3% i cu ta parse cu esaki ta e fin di mundo.
Sin wak color politico, con bo por critica si bo wak Merca i Hulanda?
Merca tin tax hopi mas halto cu 3% i Hulanda BTW di 19%. Ambos ta mesun cos cu BBO pero otro nomber. Dus eynan tambe Nel i MEP a bay a haci fiesta??,no laga hende tumabo haci i busca bo info. Paso fuera di e pais nan aki tin hopi mas cu tin BBO anto hopi mas halto, tin algo cu jama Internet anto eyriba bo por haya hopi info, dus educa bo mes. Pa mi judabo, bo por google e siguente pais nan aki: France,USA, Japan, China, Holland, Germany, Belguim, Italy, SPain, Barbados, Canada, Belize, Argentina enz enz.

lesbie Croes.
June 09, 2013
190.104.106.87
Votes: +2
...

A nos di montanja no kier pa e VWO / MAVO school bini aki nan. Pasobra e lo kibra mi curason pa wak mi yui. Mi yui tur su friends nan ta dushi den cayan ta djo djo. Miho cu nan no bin cu e skol aki nan mes.

bril di palo
June 08, 2013
81.68.123.223
Votes: -5
...

Shobolobo,No ta bril di palo ta ciego mes bo ta cu bo no por mira cuanto a wordu hasi pa henter Aruba. Paga tino den bo bario y lo bo ripara cu e gobierno aki ta trahando.

Tin un ley toch?
June 08, 2013
77.163.203.251
Votes: -5
...

Pa jega kas di mi mayornan nos mester core anjas, no cos di 4 anja pero un 12 anja den burako. Kibra tur auto di famia cu ni biS**ta nan un ta hanja mas. Dus boso di mep stop di zeur tocante ken a hanja of laga di hanja. Un cos ta sigur cu BBO ta MEP a bin cune pa nan a hasi fiesta cu plaka di pueblo. Elmar Nel Oduber a laga su lachi blo bashi. Mepistanan boso stop di piki pieuw

raspa
June 08, 2013
201.229.29.3
Votes: +8
...

Kita e VWO havo di Noord cu Mep a presupuesta pa use pa Wubo Ockels, y Europe House,,, bon trabow pa noord,,, ni un feneta noord a hanja, mescos cu Santa Cruz, Paradera, Sabaneta y San Nicolaas.

shobolobo
June 08, 2013
201.229.6.146
Votes: +3
...

dafra e unico cambio mi a mira ta nos debe cu a hisa bai te cu nos ta casi crash mane crecia.den noord pio bucoroei no a hasi nada nada.ni e score board di e veld di noord nan no por a drecha.nan a critica marisol cu brug di madushi anto e mucha nan ta pasa riba brug di palo.wak awo e mesun brug di palo kibra tei ainda.i projectp nan di pavers ta cos nan barata.cu tur e placa man a presta hopi mas projecto grandi por a ser haci.pero esey nan a bai den saco di sponser.

danfra
June 08, 2013
81.68.123.223
Votes: +2
...

Hopi a wordu hasi no pa bugurui so pero pa henter Aruba. Ta stranjo cu bo no ta mira e cambionan.

safe aruba sin debe di avp
June 08, 2013
201.229.37.229
Votes: +2
...

haha ki nan a hasi pa boegoeroei?kita bbo?sera valero?no baha awa coriente?bai gana baka um.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter