Friday, 24 October 2014
Aruba generando interes na Chile como destinacion turistico Print E-mail
Friday, 07 June 2013 15:14
DSC_2063
Recientemente a tuma luga na Santiago – Chile un evento dedica na medionan di prensa combina cu bishita na algun medio di prensa. Pa esaki Srta. Sjeidy Feliciano cu ta esun encarga cu e unidad di relacion publico na Aruba Tourism Authority a biaha pa Chile pa participa na e evento aki y asina comparti cu medionan kico Aruba tin di ofrece como destinacion turistico.

Un presentacion special a wordo prepara y a wordo presenta pa Srta. Feliciano hunto cu Srta. Julia Marrioto cual ta representa Aruba den e mercado di Chile. Un combinacion di prensa skirbi, radio, online y television tawata presente na e evento aki. A tuma e oportunidad aki pa duna informacionan hopi valioso riba e ‘unique selling points’, e acesibilidad di yega Aruba, y hopi enfoke a wordo poni riba e hecho cu continuamente y principalmente awor tin hopi enfasis riba mehoracion di calidad di e ‘producto’ Aruba. Inversionan entre otro manera e Linear Park, embeyecemento di Caya Grandi/Oranjestad, restauracion di monumentonan, inversion di hotelnan, aeropuerto, waf y mas.

Tur presente tawata hopi entusiasma y interesa den siña mas di Aruba, y manera un di e periodistanan mes a remarca cu Aruba ta e destinacion cu ta biniendo na moda pa e turista di Chile cu ta buscando un lugar diferente pa pasa nan vacacion. Na final di e presentacion esnan presente por a participa na un rifa pa gana un ticket ida y vuelta pa Aruba cu a wordo obsekia pa Avianca Airlines.

Aruba tin aproximadamente un aña activo den e mercado aki por medio di un compañía di representacion y ya caba por mira un crecemento significante den number di bishitante. Compara cu e prome 5 luna durante 2012 e cantidad di bishitantenan procedente for di Chile a crece dobel pa Aruba for di januari te cu mei 2013.

E tipo di eventonan aki sigur ta un instrumento importante di Aruba Tourism Authority cu ta enfoca y duna atencion personal na crea y mantene relacion cu prensa cu ta di sumo importancia pa asina sigui informa riba Aruba y haci’e un destinacion atractivo.

dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter