Monday, 24 November 2014
Banco Central di Aruba: State of the Economy Print E-mail
Thursday, 06 June 2013 19:53
Comparti

CBA02

Durante 2012, e suspencion y para di e operacionnan die refineria a impacta e economia Arubano. Un crecemento fuerte di demanda di turismo a compensa parcialmente e caida den e produccion relata na e actividadnan di e refineria. Sinembargo, e efecto di e suspension di e actividadnan aki ainda tabata bastante grandi. Per saldo, BCA ta estima cu e economia den termino real a baha cu 1,2 porciento.

E mercado !aboral a warda afecta negativamente ya cu desempleo a subi for di 8,9 porciento na 2011 te na 9,6 porciento na 2012 relata na perdida di cuponan di trabou directo y indirecto despues di e ciere di e refineria. E prestacion fuerte den turismo ta prlncipalmente atribui na e mercado Venezolano ( +21,5 porciento ), mientras cu e mercado Merica no a permanece igual. Turismo crucero tabatin resultado menos favorabel den 2012 registrando un caida di 2,9 porciento. E promedio anual di inflacion den 2012 a mengua di 4,4 porciento te na o,6 porciento, principalmente influencia pa reduccionnan significante di tarifanan di awa (desde Augustus 2012) y coriente (desde November 2012). Fin ansa publico a keda mustra un desaroyo fragil, cu e deficit financiero (incluyendo e cambia den e pagonan atrasa manera calcula pa BCA) den 2012 yegando te na Afl. 413,7 miyon (9,1 porciento di Producto Domestico Bruto (PDB)). E combinacion die deficit financiero y contraccion economico a contribui na crecemento di e debe di gobierno, cual na final di 2012 a alcansa 67,2 porciento di PDB. Tumando na cuenta e tamaiio chikito di e economia Arubano, pasonan adicional riba term ina cortico mester warda tuma pa frena e tasa di expansion di e debe di gobierno cu e meta pa stabilisa esaki na nivelnan mas sostenibel riba termino mediano. E balansa di pago a registra un surplus den 2012. E ultimo tabata e resultado di un bahada mas fuerte di importacion compara cu exportacion relaciona cu e actividadnan di e sector petrolero, e fortificacion continua di e sector turistico y e entrada for di un emicion di bono door di gobierno riba mercado intemacional. Mientrastanto, e indicadornan monetario y prudencial a permanece na un nivel adecua. Mirando padilanti, BCA ta estima, a base di informacion actualmente disponibel, cu den 2013 economia lo crece den termino real cu 2,6 porciento, despues di e bahada den PDB den 2012 menciona anteriormente. Tambe, ta spera un crecemento di reserva di divisa den 2013, sosteni pa un crecemento fuerte den e sector di turismo. Ademas, BCA ta spera cu e presionnan deflacionario lo persist!, resultando den un deflacion di 1,5 porciento den 2013, debi pa gran parti na reduccionnan significante y structural den tarifanan di awa y coriente. E publicacion complete ta disponibel riba nos website (www.cbaruba.org).

Comparti
Comentarionan (2)Add Comment
H@L'i M@NtEcA
June 07, 2013
201.229.119.61
Votes: +9
...

E pregunta ta keda...kiko Banco Central ta pensa di e cifras nan ki???...e ta "bon trabow"?, mal trabow?...kiko e ta??...unda NOS ta para????...miho..pio...of mescos..cu un par di anja pasa???? djies cu e barco cu NOS ta ariba djie ta pa 3/4 yena cu awa si....y mester keda serio....KIKO kier min "mientras e mercado mericano NO a keda igual" anto kiko ta PDB????...reducion di awa y coriente..compara cu ki tempo....Bari di petrolio NO a jega $100 mas den mas cu 3 anja...ken NOS ta ganjando ???...y pakiko..???

jos
June 07, 2013
186.190.233.253
Votes: +1
...

ban ta sincero BCA pone cifra% di caunto turismo mericano a baha ,i no purba tapa pa gobierno pasobra tur hende por a mira tende minister de meza bisa nan no ta confia boso cifranan pasobra su cifranan ta mihor

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter