Sunday, 20 April 2014
Mike Eman: Cu aprobacion di presupuesto por crea un economia cu oportunidad pa un y tur! Print E-mail
Thursday, 06 June 2013 19:46

front IMG 3540

Den un entrevista cu prome minister Mike Eman, a puntre riba e presupuesto 2013 cu a keda aproba. Aunke e tabata laat finalmente gobierno tin sosten di 14 parlamentario cu a vota na fabor di e presupuesto. E prome mandatario ta splica dikon ta importante pa duna sosten na un presupuesto unda gobierno tin su obligacionnan cu e pueblo tambe.

Prome minister Mike Eman a bisa cu na 2009 e pueblo di Aruba a tuma un decision importante, unda a cambia di un gobernacion cu tur su recursonan y rikeza tabata aloca pa beneficia un famia, pa un gobierno cu a pone pueblo y Aruba na prome lugar y e aprobacion di e presupuesto ayera, ta un coronacion pa e trabao grandi cu e gobierno aki a haci. E momento di e entrevista prome minister tabata na Noord y e habitantenan rond di dje tabata celebra esaki. Segun prome minister no ta aprobacion di un presupuesto so pero tambe di e direccion cu nan ta hibando Pais Aruba. Gobierno a mustra durante tratamento final di presupuesto con a logra ahusta salario di 6.000 ambtenaar cu a ser lubida 8 anja largo, a aumenta bijstand, a crea un pensioen general pa trahadornan Arubano cu no tabata tin esaki, a duna toeslag regeling, a introduci school kindering toeslag, a introduci pa e pensionadonan un reparatie toeslag y tambe pa esnan di salario minimo, a renova schoolnan, a drecha nos camindanan, a reconstrui nos ciudad, y tur esaki pueblo a aproba cu alegria pa medio di 14 parlamentario no solamente e 12 di AVP pero 2 adicional cu a sostene e presupuesto y e direccion cu Pais Aruba ta tumando. Minister presidente ta mira den esaki un indicacion cu e trabao di gobierno ta bay continua, pasobra e ta conciente cu ainda falta y lo cumpli tambe, y e animo cu e mandatario a ricibi di e habitantenan di Boegoeroei ta duna su gobierno mas animo pa sigui dilanti traha pa e futuro di Pais Aruba. E mandatario a bisa cu si tur parlamentario lo a bay contra e presupuesto lo no tabata tin entrada pa yuda nos grandinan, nos enfermonan, e verpleegsternan di SABA cu no tabata tin un pensioen, y tabata tin trahador den SABA mes grandi cu esnan cu nan ta cuida cu no por a bay cas cu un pensioen pasobra no tabata tin esey. Pa 8 anja largo e placa cu por a usa pa un pakete pa pensioen pa e trahadornan aki a bay pa un famia y no pa pueblo Arubano, y esey ta haci cu door di aprobacion di presupuesto gobierno por sigui haci un trabao pa yuda esnan di menos recurso den nos pais, sigui haci un esfuerzo pa crea trabao pa e hopi hendenan cu ainda ta no tin trabao. E economia cu gobierno ta purba di engrandece cu crecemento di turismo y tur e trabaonan di infrastructura ta hisa e economia cu Aruba mester pa asina por crea un pais cu tin oportunidad pa un y tur, segun prome minister Eman.

gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1   

Comentarionan (1)Add Comment
Uncle Ed
June 07, 2013
201.229.6.201
Votes: +5
...

Sigi manda e pueblo aki fondo.
Ora e berdad sal afo, mi ta consehabo pa lanta bela bai, pasobra
e pueblo aki por soporta hopi, pero ora buchi jena, cuidao!!
esey ta conta tambe pa e parlamentarionan. No por sigi hunga cu pueblo di e manera aki, shonnan.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter