Thursday, 23 October 2014
PowerFM y Mary Joan Foundation ta annuncia cifra final di Powerthon Print E-mail
Friday, 19 April 2013 21:53

mary joan

E 115,668 ta e cifra final di e grandioso Powerthon organisa door di POWERFM 101.7 na beneficio di Fundacion Mary Joan. Un projecto cual di comienso cu a wordo anuncia, tabata tin como meta AWG 101,700 cu ta symbolisa e frequencia di e radio station. Awe ta un placer pa anuncia cu a logra y a surpasa e meta. Tur esaki danki na e contribuicion valioso di e comunidad di Aruba.

April 7 a cera e actividad na AWG 109,117 pero ainda tabata falta e donacionan cu a drenta via transferencia di banco. E tabata un dia unda cu Aruba a mustra nan sosten cu un emisora di apenas 7 luna di exsistencia. E team completo di POWERFM y Mary Joan Foundation ta hopi contento y orguyoso di e logro grandi aki. Nos nunca por a logra e suma menciona sin apoyo di tur comerciantenan, voluntarionan, bandanan, tur artista cu a hasi nan presentacion y medionan di prensa cu a sostene e actividad. Danki di curazon, den nomber di directiva, voluntarionan y tur e clientenan di Fundacion Mary Joan. E suma aki ta yuda fundacion sigui duna sosten na esnan cu ta wordo diagnostica cu cancer na pecho. E sosten ta di un trahador social, un psycologo, support den grupo, actividad educativo (lectura), brochure, actividad di ehersicio fisico y creativo. Tur esakinan ta wordo ofreci completamente gratis danki na donacionan ricibi. Un biaha mas Danki Aruba pa sosten ricibi durante e prome Powerthon di PowerFM 101.7

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter