Monday, 28 July 2014
Fondo Desaroyo Aruba sumamente satisfecho con construccion di Cocolishi ta bayendo Print E-mail
Friday, 19 April 2013 18:31

DSC 1061

Diahuebs ultimo directiva di Fondo Desaroyo Aruba tabata di bishita na sede di Oficina di Gobierno riba invitacion di gabinete Mike Eman pa asina haci un recorido di e construccion di e parti nobo y wak pa nan mes con e proyecto ta bayendo. Sr. Orlando Hoevertsz, como e arkitecto encarga cu e construccion di asina yama ‘Cocolishi’, a sirbi como guia na e delegacion.

“Nos a mustra nan e diferente entrada, oficina pa Minister y empleadonan, e espacio destina pa Conseho di Minister, como tambe e teras y tur espacio den e edificio,” Sr. Hoevertsz a indica, añadiendo cu e proyecto ta canando su caminda stipula y cu ta programa pa den luna di juli, e compania di construccion, ALBO, haci entrega di e proyecto. Den combersacion cu Sr. Frendsel Giel, Director di AIB cu ta organizacion miembro di Fondo Desaroyo Aruba, a comenta cu delegacion a bishita e sitio di construccion hunto cu Project Manager di FDA pa haya un bista di con e ehecucion ta cana. “Tur hende ta masha impresiona cu e desaroyo di e proyecto, e diseño y eficiencia di dje. Den palabra cortico, e proyecto aki tin tur indicacion di bira un exito.” Particularmente Sr. Giel a menciona cu nan ta complaci cu e splicacion cu nan a ricibi di con e edificio bieu ta integra cu esun nobo. Tambe e eficiencia ta un aspecto cu a tene cuenta cune y e edificio nobo di gobierno lo ta uno hopi util. “E ta un beneficio pa Aruba en general y Oranjestad en particular” Sr. Giel a bisa. Adicionalmente por a compronde cu pronto lo cuminsa cu e di dos proyecto pa loke ta trata edificio di Oficina di Gobierno cu ta e restauracion di e parti dilanti y e edificio conoci como ex oficina di turismo. Esaki tambe ta financia dor di FDA.

album album album

Comentarionan (2)Add Comment
copy paste
April 20, 2013
201.229.78.216
Votes: -1
...

E edificio ta copia di un edificio na Europa, segun mi Belgia.
Mi ta total diacuerdo cu nos mesun hende mester hasi e trabow, arubianonan. Pero hasi algo original, NO COPIA.
E unico cos cu Orlando a hasi cu ta ahuste y midi, mi ta spera.

POR FABOR, kaba cu e cos ey pa kaba.

Arubiano Realistico
April 19, 2013
201.229.41.216
Votes: +9
...

Cu e projecto aki un biaha mas a keda demonstra cu nos mesun arcitectonan mes por y ta capacita pa traha edificionan asina y
no mester bay afo pa busca artitectonan estrahero pa bin traha aki.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter