Friday, 29 August 2014
Un Boutique Hotel no ta fit den Caya Grandi segun Audrey Croes Lacle Print E-mail
Friday, 19 April 2013 17:58

Audrey lacle 1 Medium

Den un entrevista cu Audrey Croes Lacle presidente di MAMBO el a splica cu den un congreso cu el a asisti na 2010 el a tende di famia Harms cu lo bin cu un hotel den Caya Grandi. Esaki el a aplaudi pasobra e ta haya cu e ta necesario. E pregunta ta si un Boutique Hotel lo fit den Caya Grandi? Segun Croes Lacle un Boutique Hotel ta un concepto premium, luhoso y moderno den lugarnan mas bien solitario pa motibo cu e tipo di cliente cu ta frecuenta e hotelnan aki kier keda incognito y nan ta busca un total descanso. Ta manera un hotel na Sint Maarten, cu ni sikiera tin sign con pa yega eynan y tin dos artista cu awe ta fayeci, cu tabata frecuente cu ta Michael Jackson y Elizabeth Taylor. Audrey mes a bay wak e hotel aki y e ta situa riba un clif cu bista na lama y su concepto ta full diferente cu un hotel comercial cu ta locual tin mester den Caya. Un hotel comercial ta yuda e economia di nos centro di ciudad por ehemplo pa e turistanan Latino cu ainda ta bin Aruba pa haci compras y rebende den nan pais. Nan ta busca un hospedahe cu un prijs razonable pa e camber cu nan ta bai keda den dje y cu ta usa mas tanto pa drumi pasobra resto di e un dia of tres dia cu nan ta bin Aruba, nan ta casi henter e dia den tienda. Tambe esnan cu ta bin haci presentacion pa companianan cu comercio di Aruba ta traha cu nan, ta bin cu un budget limita pasobra e economia mundial no ta bon pa un ni otro.

Comentarionan (7)Add Comment
E Berdad!
April 20, 2013
201.229.75.47
Votes: +2
...

Pa prome ki dia e sra a worry pa bai papia cu e commerciantenan den Caya pa puntra nan con ta bayendo y ki nan ta pensa di e proyecto? Solamente na e commerciantenan cu nan negoshinan segun e ta bon pa ta situa den Caya paso e resto chikitonan y cu no ta di marca e kier saca afo fe Caya!!! Ki e sra kier bin critica si e mes kier transforma Caya Grandi den un mall luhoso manera di merca.
Pa di dos e organisashon MAMBO no a hasi nada drechi pa Caya y ni pa yuda e commerciantenan!

Bounty Hunter
April 20, 2013
201.229.25.41
Votes: +0
...

Eva a pone sra cambia di pensamento? Esnan cu no sa kiko ta un Boutique Hotel keda keto. Cu e ta un bon proyecto pa Caya Gilberto Francois Croes ta un vision kiko mester sigui sosode den nos caya principal. Ora un comerciante ta bay inverti su plaka ta pasobra e ta mira riba un futuro alentador den caya grandi. Dicon senjora no ta exigi e donjonan di ex choller house "Hotel Central" pa basha e porkeria aki abow cu si ta un gran estorbo pa hopi comerciantenan den cercania y henter nos comunidad. Ey bo tin cu cuminsa y no torpedia esnan cu si tin confiansa pa inverti den nos pais.

The Observer
April 20, 2013
201.229.11.233
Votes: +2
...

Famia Harms: Splica pueblo mas cla kiko ta un boutique hotel....

mike charley
April 20, 2013
201.229.82.153
Votes: +0
...

Locual cu senjora no a pone den palabra ta cu e tipo di hotelnan aki ta draai rond di prostitucion. Awor ta locual cu a logra pa e ultimo 10 anja nan aki ta saca prostitucion for di caya. Pero tambe e hotel lo duna nos isla e imagen cu e tipo di turistanan aki ta bon bini. Awor esaki ta un pregunta hopi haci; nos mester sigui of bai den e direccion di prostitui nos isla mas, den cosnan negativo of nos kier promove nos isla den locual ta e concepto cu mayoria di nos kier, esta un isla decente, tranquillo, sin violencia y milieuvriendelijk?

!!!BERDAD!!!
April 20, 2013
201.229.16.28
Votes: +0
...

Loke PUEBLO ta EXIGI e GOBIERNO NOBO, pa laga TUR GASTO di e OPERACION di e BARBARIDAD di e PROYECTO di TRAM cu ta costando PUEBLO mas di 30 Miyon florin caba, corre pa cuenta di MAMBO of AVP. CENTRO di CIUDAD ta un BARBARIDAD, cu trabouwnan SUPER MAHOS cu ta parce cu no tin CONTROL DI CALIDAD di parti di DOW!

nurjel
April 20, 2013
84.105.175.86
Votes: +1
...

wel mi ta hanje bon pero e hotel ei lo ta basta chikito. bon idea

El Casique
April 19, 2013
201.229.117.154
Votes: -3
...

Tin hopi mas cos cu no ta fit den caya...just wait and watch it out...

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter