Tuesday, 23 September 2014
Audrey Croes Lacle di MAMBO: Acomodacion tipo express hotel ta cumbini Caya Grandi Print E-mail
Friday, 19 April 2013 17:53

Audrey lacle 2 Medium

Cu un Boutique Hotel no ta fit den Caya Grandi ta un pensamento di MAMBO riba e proyecto aki, segun Audrey Croes Lacle. Na Juli 2010 un biaha so el a papia cu famia Harms. Ta 60 anja cu Maggy’s ta den caya y Audrey a lanta practicamente den caya, pesey e conoce kico e clientenan kier.

El a bisa cu constantemente MAMBO ta tumando kehonan di e trafico peatonal den caya, scuchando nan kehonan riba e situacion actual, pasobra scuchando hende bo por haya un bista cual ta e deseonan di esnan cu ta bin den caya sea local of turista. E mes a para e siman aki na skina di Benetton y a papia cu varios peaton y asina a saca afo cu hende di edad grandi no por cana facilmente den Caya aworaki, cu no tin lugar pa turistanan sinta bebe y come algo, por ehemplo hende homber cu tin cu warda nan casa cu ta shopping den tienda. Mayoria di e turistanan cu ta subi tram ta bin den crusero y nan ta expresa kico ta loke nan ta buscando. Audrey Croes Lacle a splica cu for di un principio MAMBO a bisa cu mester pone guide nan den caya pa orienta e turistanan riba loke nan mester, pa asina por a informa for di nan mes directamente nan deseo. E ta haya importante pa sinta papia cu e rumannan Harms tocante kico ta e demanda precis cu tin y puntra nan si nan ta willing pa haci un survey, y si nan por pensa riba un Hyatt of Holiday Inn Express Hotel cu ta hopi comun den otro paisnan, p.e Chile, cu ta ofrece cambernan tipo Marriott, cu baño limpi y bunita cu ta loke e turista cu ta bin haci shopping pa bende den nan pais, ta busca pasobra henter dia nan ta afo den tienda y explorado e lugar. Un hotel asina den Caya mester tin tambe un bunita bista. Caya ta bay keda bunita y ta bon pa nan haya un bista riba e ciudad, cu ta cuadra cu e prijs cu nan ta bai paga pe. El a ilustra esaki cu e brasileronan cu ta bishita Aruba y cu ta bin cumpra pa bende den nan pais pasobra aya nan tin cu paga como 60% di invoerrechten. Nan kier spaar den costo di hotel akinan. Hopi di e brasileronan ta keda den Holiday Inn cu tin tarifanan mas economico cu reto di hotelnan. Tur e cosnan aki mester check pa no comete cierto foutnan y keda stanca cu un proyecto cu no ta cana y cu bira un white elephant. Audrey a aclarea cu ningun momento so MAMBO ta contra un hotel den Caya. No mester ta un hotel con cu ta manera tin aki aya den ciudad, pero si uno na agrado di e bishitantenan cu ta haci negoshi den nan pais y cu ta pagable.

album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter