Monday, 22 December 2014
Felix “Liberato” Hoek ta asumi liderazgo na Servicio di Ambulance Print E-mail
Friday, 19 April 2013 17:29
Comparti

IMG 2733

Despues di 12 aña trahando na Servicio di Ambulance, Rudolfo Rafiné ta baha cu pensioen. Sinembargo, e lo keda traha un par di luna extra pa yuda e ekipo nobo bao liderazgo di Felix "Liberato" Hoek y Brian Mohammed, kende lo bira su waarnemer.

Den cuadro di esaki tambe a instala 3 oficial di ambulance nobo cu ta Richnel Gerven, un persona hopi dinamico, Junior Rivero cu experticio riba tereno di automatisacion y Maureen Silva-Maduro, cu hopi dedicacion pa loke ta e parti di recursonan humano. “E cambionan aki tabata posibel despues cu a haci un opleiding HBO pa e enfermeronan y a restructura e servicio di ambulance pa por duna miho servicio”, Minister di Salud y Deporte Dr. Richard Visser a duna di conoce. Tanto Minister Dr. Richard Visser, Director di IMSan Dr. Joel Rajnherc y henter e personal ta probecha di e oportunidad pa yama Rudolfo Rafiné masha danki pa su valioso contribucion durante 12 aña di servicio, dedicacion y profesionalismo. Rudy Rafiné a manifesta cu Minister Visser y Director di IMSan constantemente ta motiva e team di ambulance pa 'think out of the box' pa mehora e servicio. Relaciona cu su posicion nobo, 'Liberato' Hoek a laga sa cu e ta contento cu e team aki. Ya caba e tin 10 aña trahando na Servicio di Ambulance. Su obhetivo ta pa mehora e cuido medico riba ambulance. Finalmente, Minister Visser ta desea Liberato Hoek hopi exito cu e responsabilidad aki y na Rodolfo Rafiné ta bay palabranan di gradicimento y cu e disfruta di su pension bon mereci despues di hopi aña di trabao duro na servicio di comunidad.

album album album
album album album
album album album

Comentarionan (4)Add Comment
mia
April 20, 2013
201.229.66.75
Votes: +1
...

Pabien Liberato, y diserve it .Un persona integro y di bon curason . Un biaha mas pabien.

carambamba
April 20, 2013
201.229.52.237
Votes: +2
...

Caramba mi primo, hopi Pabien! Porfin bo a hanja e luga cu bo merece. I am proud of you, Liberato!

johan tromp
April 20, 2013
201.229.18.16
Votes: +4
...

Pabien na e dynamico caballero aki, cu ta un self made Arubian. I porfin un bon escogencia di e Ministro aki. The right man on the right place.

Joonchi
April 19, 2013
201.229.2.224
Votes: +10
...

Masha Pabien na Liberato y team y sigui cu e bon trabao.Cu dios guia boso den boso labor di tur dia.

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter