Monday, 20 October 2014
SIMAR: Situacion na Colegio EPI por a wordo evita cu dialogo entre esunnan involucra Print E-mail
Friday, 19 April 2013 12:20
DSC_2063
Na fin di maart e aña aki miembronan di SIMAR cu ta traha na Colegio EPI a acerca nan sindicato cu un carta di Sr. Kenneth Jong, director di DPS (Dienst Publieke Scholen). Den e carta, fecha e ultimo dia di scol prome cu vakantie di Pasco grandi, Sr. Jong ta splica cu lo introduci e asina yama “9e y 10e uren” (cu ta caba 16:00) na Colegio EPI.

Segun SIMAR por a comprende esaki lo a sosode entrante e prome dia despues di vakantie. E motibo di esaki ta cu e “bevoegd gezag” pa scolnan publico, es ta Minister di Enseñansa, Sr. Dowers a dicidi cu pa baha gasto, no lo extende e contract pa mantene e trailernan riba tereno di Colegio EPI.

Colegio EPI ya pa basta aña ta uza algun trailer como klas lokaal pa duna les. E motibo ta scarsedad di lokaalnan na Colegio EPI. Segun SIMAR por a compronde e scol ta traha pa acomoda 1200 alumno. Sinembargo na e momentonan aki e scol ta acomoda alrededor di 1700 alumno y tin tur indicacion cu e scol lo sigui crece y esaki ta nifica cu lo mester construi mas lokaal.

Den vakantie di Pasco grandi, SIMAR a reuni cu Minister, DPS, Directie Onderwijs y EPI. Den e reunion aki SIMAR a vocifera e preocupacionnan di su miembronan. Di un dia pa otro, sin dialoga, a yega impone un medida y sin duna informacion adecua. P.e. si tur dia lo ta te 16:00, si tin ora flexibel pa cuminsa, si a sondea otro posibilidad pa uzo di lokaal etc. Mester corda cu ampliando e oranan cu ta disponibel pa duna les, lo no nifica cu e alumno lo haya mas les. Si e rooster no ta optimal hinca den otro, lo bo haya cu lo tin masha hopi asina yama “tussenuren” cu no ta beneficioso pa e motivacion di e trahado. Si un docente lo mester ta tur dia 8 ora y mei na pia di trabou, na ki momento lo e percura pa prepara su mes pa su lesnan y coreccion?

Tambe den e reunion aki a sali na cla cu no tawata tin bon comunicacion entre e trahadonan y directiva di Colegio EPI. SIMAR a propone pa tene un reunion cu tur e partidonan pa yega na un solucion pa e problema aki. Trahadonan a trata di haya un reunion cu e directora, pero esaki no a logra pa motibo cu directora ta haya cu otro cosnan ta mas importante.

Den dialogo cu nan trahadonan, DPS, Minister y directiva di Colegio EPI, por a evita malcontento y mal comprendemento. Riba su mes e idea pa baha costo y pidi comprension no ta malo, pero faltando apenas dos luna y mei pa aña escolar caba ta dicidi di forsa un decision descabeya. Si e urgencia pa kita e trailernan tabata asina grandi, no ta di compronde dicon nan ta den cura di EPI ainda y pa colmo no ta wordo uza.

Pa SIMAR e no ta comprendibel cu net prome cu vakantie di Pasco grandi, ultimo dia di scol ta dicidi pa manda carta y bisa cu ora tin scol atrobe e orario di scol a cambia sin cu a consulta cu e trahado. E sorto di practicanan aki siguramente ta trece problema, manera loke ta tumando luga na EPI.

SIMAR ta urgi Minister como autoridad maximo, pa suspende e decision aki pa e resto di aña escolar y sinta na mesa cu e trahado (e modelo di dialoga cu tanto e gobierno aki ta propaganda) y yega na un mutuo acuerdo. Haciendo esaki ta evita problemanan innecesario y posibel accionnan di maestronan di Colegio EPI.

Comentarionan (5)Add Comment
colochi
April 20, 2013
201.229.81.176
Votes: +1
...

@ Lesa Esaki, djis un observacion: 'cu ta wak of laga di wak docentenan ta welga (protesta) esei no kiermeen cu nan lo no por a hinca den e muchanan cabes (ophitsen) pa bai protesta. Antes muchanan tabta tin skol te 3'0r!!! Cu a stop pa hasi esaki lo por ta pa motibo calor, pero awor a bira casi tur lokaal tin airco. Pero manera e quinta columna, pa cu dialogo social dr. Ivo a bias 'e ta strobe e docentenan cu tin 2 trabow, cu asina no ta haya chance pa sosega!!

Lesa Esaki
April 20, 2013
190.104.97.121
Votes: +0
...

At Kim Kardatian, bo tin hopi razon. SIMAR mester drecha nan directiva y cuminsa traha pa nan miembronan.

Lesa Esaki
April 20, 2013
190.104.97.121
Votes: +0
...

At Dem, hasimi un fabor y no generalisa cu tur docente ta contra y ta hinka den studiante nan cabez pa welga. Si bo no sa kico ta going on no papia coi kens. Acaso bo wak cu bo mesun wowo cu docente(nan) tabata welga cu e studiantenan?

kim kardatian
April 19, 2013
74.82.68.34
Votes: +1
...

Ow!!! SIMAR ta na bida? Mi a kere cu el a muri morto natural.

dem
April 19, 2013
201.229.31.171
Votes: -1
...

Dus cu otro palabra, no ta e alumno nan cu a welga ta esnan cu ta contra e extra lesuren. Ta e maestronan mes ta contra y ta hinka den e alumnonan nan cabez idea pa bay protesta!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter