Saturday, 25 October 2014
Pone nomber di bo sernan keri riba un monumento di piscadonan perdi riba lama Print E-mail
Friday, 19 April 2013 12:16
DSC_2063
Bo tin un ser keri, amistad of conoci cu ta perdi riba lama? Duna su informacion pa un monumento pa recorda tur piscado cu a perde riba lama pero cu speransa ta keda. Santa Rosa ta buscando informacion pa asina compila un lista di tur e piscadornan cu ta perdi riba lama.

Nos ta pidi e comunidad di Aruba, pa yuda nos compila e lista di piscadornan cu a perde ariba lama. E ta un oportunidad pa recorda bo sernan keri y conmemora esakinan di un manera cu alabes ta sirbi pa concientisa pueblo.

E intencion ta pa purba bay te cu 50 aña pasa, di mas o menos principio di aña 1960 bin ariba.  Nos a tuma contacto cu varios instancia pa trata na compila e informacion, pero lamentablemente, mayoria di e organisacionnan no por a suministra nos cu e informacion. E informacion cu nos mester ta e nomber completo di e piscadornan, e fecha (dia, luna y aña) cu nan a perde  ariba lama, nomber di boto y eventualmente potret di e boto y/of persona.

A base di e lista menciona, Santa Rosa lo traha un buki conmemorativo pa e piscadornan cu a perde ariba lama. E buki aki lo wordo publica na ocasion di Dia di Piscado, cu e aña aki lo wordo celebra dia 6 di juli 2013. Riba e mesun dia aki lo desvela tambe un monumento pa recorda tur piscador cu a perde riba lama.

Nos ta haci e peticion aki na publico general, pero principalmente e  familiarnan cu tin un ser keri cu a yega di perde ariba lama. Tambe e por ta un  amigo, bisiña cu tin amistad cu a yega di perde ariba lama, por tuma contacto cu nos via Tel 586-0820. Puntra pa Castro Perez. Tambe por jama e oficina principal di Santa Rosa na Piedra Plat na Tel: 585-8102 y puntra pa Sra. Glenda Bareño. Tin e posibilidad di manda nos mensahe ariba facebook di Hadicurari Centro di Pesca y Santa Rosa.  Nos ta gradici di antemano pa e información cu por suministra.

dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter