Tuesday, 02 September 2014
Interes di comercio Hulandes pa “Europe meets the America’s” ta enorme Print E-mail
Friday, 19 April 2013 08:27
DSC_2063
E interes bou di empresanan Hulandes pa e conferencia “Europe meets the America’s” ta inmensamente grandi. Hopi companianan ta tuma e oportunidad aki cu dos man pa forma parti di e proceso pa yega na un Aruba como gateway di Europa pa America Latina. Den e preparacionnan pa e conferencia Cas di Aruba a hunga un rol importante na e empresanan cu ta interesa pa atende e conferencia aki. Esaki a sosode conhuntamente cu “Agentschap NL” y “Het Nederlandse Centrum voor Handelsbevordering” cu ta e instancianan cu ta coordina e mision economico di Hulanda pa Aruba.

Un di e empresarionan cu lo atende e conferencia ta Ewout Evers, propietario y managing director di eVersafe. Esaki ta un compania cu ta duna guia y sosten na otro companianan pa un integracion natural di durabilidad, salubridad, seguridad y calidad ariba tur tereno. eVersafe ta duna conseho ariba durabilidad, salubridad y seguridad na projectonan manera construccion di centralnan nuclear nobo y centronan di cuido.

Durante un encuentro na Cas di Aruba cu Minister Plenipotenciario Edwin Abath y Roy Hart, functionario di Cas di Aruba, Ewout a conta cu ela bin encontra informacion tocante e conferencia ariba e website di Cas di Aruba. Despues ela asisti na un meeting di Dutch Caribbean Business Club na Cas di Aruba na unda Minister Plenipotenciario Edwin Abath a tene un discurso ariba e meta di e conferencia y e posibilidadnan di e gateway Aruba ta haci negoshi cu America Latina. ‘E discurso di minister Abath a inspira mi pa dicidi pa inscribi pa e conferencia aki. Mi expectativanan ta hopi halto y ta nifica cu mi por logra na haci hopi contacto y sigur haci negoshi tambe. E conferencia aki ta brinda mi e oportunidad unico ariba tereno di durabilidad, calidad y seguridad. Aruba ta hopi progresivo cu e conferencia aki y e isla ta cana dilanti compara cu otro paisnan,’ asina sr. Evers a bisa.

E propietario di eVersafe ta mira cu e concepto di gateway ta brinda hopi oportunidad, principalmente si bo tuma nota di e trabaonan di infrastructura grandi cu ta tumando lugar na Brasil, pa cu e Campeonato Mundial di Futbol otro aña y e Weganan Olimpico na 2016.

eVersafe ta un compania chikito cu tin unicamente 10 personan den servicio, pero cu e cantidad aki ta varia depende e projectonan cu e compania mester ehecuta. ‘Nos ta un empresa chikito, pero cu un gran ambicion, mescos Aruba,’ asina sr. Evers a bisa.

dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter