Saturday, 25 October 2014
Clyde Harms: Penn Relays, e competencia colegial di atletismo mas bieu na Merca Print E-mail
Thursday, 18 April 2013 21:29

1

E fin di e siman aki lo tuma lugar e di 118 competencia di Pen Relays na Franklin Field, Philadelphia lo ke ta haci Penn Relays e competencia colegial di atletismo e mas bieu di Merca. Na cuminsamento solamente atletanan masculino tabata permiti pa participa. Ta te na 1962 nan a tene e prome evento pa mucha muhernan.

E aña aki mas di 22 mil atleta di diferente parti di Merca mes y di 60 pais lo compiti. Cu excepcion di weganan Olimpico y Campeonatonan Mundial, Penn Relays ta e evento di atletismo cu ta atrae mas hende na Merca y e ta entre e cinconan cu ta atrae mas hende den henter mundo. Mas atleta a yega di compiti na Penn Relays cu na cualkier otro competencia den atletismo, incluyendo e weganan Olimpico. Na April di 1948 mi tabata miembro di e team di estafeta di un miya di e ekipo di Rutgers Prep School na New Brunswick, NJ y mi tabatin e honor di por a tuma parti den Penn Relays. Como studiante na Julianaschool mi a yega di participa den caredanan no oficial y mi tabata sa cu mi tabata core duro. Una bes cu mi a yega Rutgers Prep na September 1947, mi a “try out” pa coremento y e coach a sugeri pa mi enfoca riba e distancia di 440 yarda, un cuarto di miya. Mi ta corda cu hopi emocion dia cu mi a cumpra mi prome sapatonan di careda. Nan tabata masha lihe, sin hilchi, cu “spikes” bou di suela parti dilanti. Lunanan largo nos a practica cu un obhetivo, pa bay Philadelphia na April 1948. E dia cu nos mester a bay, nos a haya un tremendo steak pa lunch. Awendia coredonan ta come hopi pasta pa yena nan curpa cu carbohidrato; e tempo ey, nan tabata kere cu e atleta mester di hopi proteina. E trayecto pa Franklin Field a dura mas di dos ora den auto di nos coach. Mesora nos a cambia nos paña y bisti e uniform di scol y bay warm up riba un tereno grandi banda di e stadium te ora cu nos tempo pa core a yega. Una bes cu nos a drenta e staium nos por a wak algun di e atletanan mas famoso di e tempo. E dos nombernan cu mi ta corda bon ta di Harrison Dillard y Mal Whitfield. Mira fotonan adhunto.Tur dos tabata heroenan den guera mundial y a bolbe scol despues di sali di ehercito. Dillard y Whitfield a compiti den weganan Olimpico na London e aña ey y gana medaya di oro den mas di un evento. E yiu muhe di Whitfield, Fredricka Whitfield, ta un presentado di noticia riba CNN. Te asina leu cu mi sa, ami ta e unico Arubiano cu a yega di compiti den Penn Relays. Abo sa di un otro? Laga mi sa! clydeharms@yahoo.com

gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter