Friday, 29 August 2014
“E Cara di un Cambio Climatico”: 3er Caminata y Celebracion di Dia di Tera, diadomingo 21 di april Print E-mail
Thursday, 18 April 2013 20:40

cara

Pa medio di esaki, Fundacion Gabriel Flores conhuntamente cu Hyatt Regency Resort Aruba, Aruba Marriott Resort, ATA & Serlimar ta invita un y tur pa e Celebracion y Caminata di Dia di Tera riba diadomingo 21 di april. E Celebracion aki lo inicia den forma di un feria yen di ambiente ya caba pa 12’or di merdia cu diferente actividad, manera pintamento y facepainting pa mucha y informacion/charla di nos medio ambiente, naturalesa y turismo unda ATA lo ta presente cu diferente premio.

Pa 5’or di atardi lo warm up cu Zumba y e caminata mes lo sali pa 5.30 pm en punto. Por ultimo lo termina e celebracion cu un cantidad di premio atractivo! Uza bo creatividad pa dorna bo T-shirt como un tributo na nos Tera. Lo tin premio special pa esaki.

Ruta escenico Hyatt – La Cabana – Hyatt, 5km

E ruta aki tin un paisahe sumamente agradabel y di un gran balor tanto pa nos como pa nos turismo. Tambe nos lo cana den cercania di nos Bubali plas cual ta e hogar di hopi parha y otro especie. Bin disfruta y aprecia esaki sin auto y sin polucion! E hotelnan organizador ta hotelnan green cu ta tumando pasonan concreto y sostenibel unda cu ta proteha y respeta medio ambiente den e comunidadnan unda nan ta opera.

Inscribi awor na 566-8115 (Fundacion Gabriel Flores)! Prijs: Afl 10.00, incl. T-shirt y AFl. 5.00, excl. T-shirt.

Inscripcion na Hyatt Parkinglot durante Earthday weekend

Diabierna 19 april: 2.00pm – 8.00pm

Diasabra 20 april: 10.00am – 8.00pm

Diadomingo 21 april: 10.00am – 5.30pm

Asociado di Earthday Network International

Como partner di Earthday Network International, nos ta invita comunidad henter y tambe nos bishitantenan, pa ban demonstra cu nos ta tuma accion y uni pa haci un impacto door di cana hunto, manifestando nos compromiso cu conservacion y cuido di nos tera. Tur potret y relato di e actividad aki lo bai pa e website oficial di Earthday representando Aruba!

Tur e organizacionnan menciona aki tin algo en comun, esta cu nan tin como meta pa trece e concientizacion di medio ambiente mas cerca di nos comunidad. Pa e motibo aki nan a uni forza den e Celebracion di Dia di Tera cu mundialmente tin como tema central en anja aki “E Cara di un Cambio Climatico”. Nos kier un cara nobo y vencedor pa “Climate Change”, esta di esnan cu ta scoge pa tuma accion y concientiza positivamente riba e conservacion y proteccion di nos planeta y medio ambiente. Abo ta un di nan!

Warm up cu Zumba y hopi premio na final!

Tambe lo tin e Zumba Warm-up na e Hyatt Tennis Court durante 30 minuut pa 5.00 pm. Despues nos lo sali cana! Por ultimo, e evento aki ta finaliza anunciando ganadornan di e raffle y cuestionario riba preguntanan ambiental y ecologico. Pues corda bini cu bo ticket. Tur persona cu participa tin chance di gana premionan atractivo! En particular pa esnan cu dorna nan T-shirt, expresando e cara pa un mihor planeta!

Corda bini cu bo ticket pa participa pa gana doorprizes! Tur fondo recauda lo bai pa educacion di medio ambiente na nos scolnan basico. Pa mas informacion, tuma contacto cu 566-8115 of via eco4life@hotmail.com.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter