Saturday, 25 October 2014
Special Olympics Aruba conhuntamente cu "No por" ta organiza un evento di marca mayor durante luna di Mei Print E-mail
Thursday, 18 April 2013 20:07

1

Special Olympics Aruba tur aña ta tene un actividad pa asina crea consciencia den nos comunidad pa cu nos atletanan special. E aña aki esaki no lo bira un excepcion. Pa loke ta e ultimo añanan, Special Olympics Aruba a tene diferente demostracion di loke nan atletanan special por haci riba tereno deportivo. E actividad aki ta uno obligatorio y ta tuma lugar rond mundo y pa Specials Olympics ta hopi importante pa asina nan haya acreditacion.

Digicel un biaha mas ta hopi orguyoso di por ta sponsor di Special Olympics y di por yuda nan yega na e meta aki. E aña aki nan kier a organisa algo mas grandi y cu mas participante. Ta pesey nan a haya sosten di Sra. Carol Pesqueira di e grupo di baile "Pierewietje” pa asina hunto organisa un evento di marca mayor. Carol Pesqueira ta un bailarina y su idea ta pa realisa un presentacion di baile y canto di e atletanan special. E presentacion aki lo tuma lugar dia 11 y 12 di Mei y Special Olympic ta spera di por haya mas cu mil hende den 2 dia y asina disfruta di un presentacion unico pa Aruba. El a laga sa cu for di luna di Februari, tres bes pa siman un promedio di 60 atleta, combina entre clientenan di SVGA, ta train e bailenan cu lo wordo presenta bao guia di Carol Pesqueira, asisti pa señora Jeanette Netty Williams, directora di evento y boluntario den e directiva di fundacion Special Olympics Aruba. "Nos ta cla pa duna nos presentacion, a bisa". Durante e evento aki lo tin diferente baile local y internacional, entre nan baile moderno, folklorico, manera wals, baile di cinta, merengue, tumba, tambu y carnaval presenta pa nos atletanan special. Banda di esaki Tuyo Werleman, director di SVGA a duna di conoce cu e cantidad di bailadonan di special olympics ta den un total di 60 y combina cu e boluntarionan y e instructornan lo yega na un total di 100 hende. Lo tin presentacion tambe pa e grupo D’Art, di Corsou cu un total di 20 persona. Tambe lo tin presentacion di canto di Marc Gonzales, y un otro hoben talentoso di 13 aña Maykxion Maduro. Durante e anuncio a batisa e CD cu e jingle pa e actividad di Special Olympics cual a wordo traha pa Edseline Figaroa, Mitchel Almary y Francis Tromp. Banda di esaki tin un spot promocional cu a wordo traha pa Richard Jacobs y esaki lo por wordo uza den media local. Tuyo Werleman a extende un invitacion na comunidad henter pa cumpra carchi y yuda cu e causa. Nan lo purba di tene e prijs mas abao posibel. "E show aki lo bira un exito sigur y mi ta kere den e añanan cu ta bin lo tende mas di nos talentonan cu lo bay un tiki mas leu y kisas nos ta bay te hasta Corsou duna un presentacion ayabao". El a agrega cu e meta ta pa yega na un suma di 25 mil florin pa asina cubri nan gastonan di uniform, entre otro. E actividad aki ta un conscientisacion di e comunidad riba e posibilidad di e personanan cu tin un limitacion intelectual. Digicel como sponsor corporativo ta hopi contento di por sigui aporta tur aña un suma hopi significativo y tambe pa e 'awareness week' pa yuda nos atletanan special.

gallery1 gallery1  

Comentarionan (1)Add Comment
Tuyo Werleman
April 19, 2013
201.229.81.119
Votes: +0
...

Nos por ta un actividad di Special Olympics Aruba. e bailador nan ta atletanan di Specal Olympics. E grupo jama nos por. Digicel ta e main sponsor di e programa di henter anja di Special Olympics. Den e caso aki e actividad aki ta worde gesponsor pa un parti Digicel. E show ta hopi caro y mester di hopi mas sponsor. Asina ta oru bo caarchi pa solamente 25 florin na: arturowerlemangmail.com

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter