Saturday, 01 November 2014
Premier Mike Eman: Concepto Aruba Gateway ta hayando bon acogida Print E-mail
Thursday, 18 April 2013 20:06

mike eman

Cu pasonan acelera inicio di e conferencia ‘Europe meets the Americas’ (EMA) ta acercando. Esnan encarga cu e actividad aki ta trahando dia y anochi pa percura pa e conferencia ta exitoso. Exitoso e ta bay ta sigur mirando e cantidad grandi di inscripcion y interes continuo di empresanan pa participa.

Companianan di tur parti di mundo ta yegando Aruba na comienso di mei pa participa na e conferencia ‘Europe meets the Americas’ na unda acuerdonan valioso ta bay wordo cera. E funcion di Aruba Gateway ta wordo ilustra den tur su aspectonan. Un delegacion di Aruba bou guia di Minister Richard Visser ta bek na Aruba despues di un bishita productivo na Brazil. Ex embahadora di Reino y gezant di Aruba Gateway sra. Marion de Kappeyne van de Copello, presidente di ATIA sr. Ronald van Trigt y ex-Minister di Economia di Antiyas sr. Elvis Tjin Asjoe a forma parti di e delegacion. Durante un rueda di prensa Prome Minister Mike Eman a duna un update di e situacion te awor. Eman a bisa cu awor cu e delegacion ta bek tin un miho bista di e cantidad di empresanan cu ta participa na e conferencia. “Esaki ta e coronacion di un protocol di cooperacion firma entre Aruba y Hulanda na october 2011 na unda e posibilidad pa Aruba por posiciona su mes como un gateway pa Hulanda y Europa den direccion di Sur America y vice versa ta wordo desaroya”. E concepto di gateway a haci cu Aruba a pone atencion riba diferente mercadonan. Cu esaki Aruba por bira un puerto di entrada importante pa mercadonan emergente di Sur America, specialmente di Colombia y Brazil. Panama tambe ta hunga un rol central. “Esaki ta un concepto cu Aruba a planta. Nos a plant’e den Tweede Kamer na Hulanda, nos a plant’e den gobernacion Hulandes y den e mundo empresarial di Hulanda. Hopi presentacion a wordo duna. El a tuma su tempo, pero awor e concepto ta hayando bon acogida. Sigur despues di e mision comercial na Brazil encabesa pa nos Principe Heredero Willem Alexander hunto cu Princesa Maxima na unda Aruba a forma parti integral di e delegacion”. Prome Minister Eman, “Tanto Minister Michelle Hooyboer-Winklaar como mi persona a keda sumamente entusiasma cu e resultado di e ultimo bishita pa Brazil di e delegacion di Aruba. Ya caba tin mas di 20 empresa di Brazil cu a confirma di lo participa na e conferencia. Banda di esaki tin riba di 35 empresa di Colombia cu a registra y confirma nan presencia na Aruba. For di Panama tin ariba 10 empresa, for di Hulanda mas di 50 empresa y institutonan a inscribi. Por lo demas tin inscripcion di empresanan di paisnan manera Spaña, Italia, Merca, Ukraina, Corsou, Boneiro y Venezuela. Ta spera cu e inscripcionnan ta bay surpasa 150 empresa”. Europe meets the Americas, ta un conferencia cu ta hunga un rol importante den Aruba su posicion strategico como e gateway entre e continentenan Americano y Europeo. E conferencia ta wordo carga ampliamente pa henter Gabinete Mike Eman. Algun siman atras Minister Oduber tabata na Colombia, Minister Hooiboer na Panama y recientemente Minister Richard Visser na Brazil a encabesa un delegacion promocionando EMA exitosamente.

Comentarionan (1)Add Comment
!!!BERDAD!!!
April 19, 2013
201.229.16.28
Votes: +0
...

Loke PUEBLO facilmente por OBSERVA y CONSTATA cu e UNICO acogida cu e CONCEPTO GATEWAY ta haya, ta bin di e mas di 200 Coordinadornan cu ta sinta den Bestuurcantoor y den EUROPEHOUSE haci nada! MA ta mas cu clar ora cu e COORDINADORNAN ta COBRA tur LUNA sin ta PRODUCTIVO, ya pa casi 4 anjanan, di mes e DESPERDICIO di Fondonan Publico, yama pa Prome Minister como "GATEWAY" ta haya acogida..BARBARIDAD no tin LIMITE pa e GOBIERNO actual!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter