Friday, 29 August 2014
Banco Central ta proyecta crecemento economico di 5.1% pa aña 2013 Print E-mail
Thursday, 18 April 2013 19:33

bancocentral

Banco Central di Aruba ta premira cu economia di Aruba ta bay crece e aña aki cu 5.1%. Empresarionan ta wak futuro cu confianza, manera a sali na cla for di un encuesta haci dor di Banco Central. E encuesta aki a demostra cu sector comercial ta wak di manera positivo e desaroyonan economico y ta optimista pa cu futuro. Den e tres añanan despues di cambio di gobierno e confianza a subi enormemente.

Na 2009 e short term index tabata 90.0 mientras cu pa mita di 2012, e index aki a subi te na 102.5. Apesar cu consumidornan ainda ta cauteloso pa cu e placa cu nan ta saca pa compra y gastonan cu nan ta haci, empresarionan a raporta un mehoracion cla di nan resultadonan comercial. E expectativa ta cu 2013 ta un bon aña. Esey ta bin dor di inversionnan comercial fuerte, pero tambe danki na turismo cu aña pasa a crece cu 4.1%. Dor di esey aeropuerto Reina Beatrix por a ricibi den luna di december su di un miyon pasahero. Na 2013 y e añanan despues ta contando riba mas crecemento pasobra e cantidad di conexionan aereo a amplia enormemente dor di cual mas bishitante por yega Aruba. Tambe e expectativanan pa loke ta turismo crucero ta positivo. Den e calculacion di e crecemento economico pa e aña aki, Banco Central a tene na cuenta e inicio di un cantidad grandi di proyecto di infrastructura. Por ehempel, pronto ta bay cuminsa cu construccion di e Green Corridor entre Oranjestad y San Nicolas, construccion di un hospital nobo y trabounan grandi ta bay tuma luga pa cu e mudamento di e waf di container for di Oranjestad pa Barcadera. Tambe ta bin e di dos parke di molina di biento, construccion di Hard Rock Hotel y finalisacion di hotel Ritz Carlton. Banco Central ta spera reaccionnan positivo for di e reduccion di e tarifanan pa awa y electricidad cu na final di 2012 a keda efectua. Paralelo na e restructuracion fuerte di e economia, gobierno a logra pa di tres aña consecutivo baha e deficit di e presupuesto nacional. Otro aspecto cu ta sostene e confianza creciente di comerciantenan ta e Dialogo Social caminda Gabinete Mike Eman ta involucra dunadonan di trabou y empleadonan den e puntonan di agenda di maneho di gobierno.

Comentarionan (5)Add Comment
Emanista
April 19, 2013
201.229.74.51
Votes: +1
...

Manipulacion cu cifras esaki ta. Contradisimi si cu no ta asina!

El Casique
April 19, 2013
201.229.117.154
Votes: +1
...

Banko Central ta e pispal di ? corecto bo ta pensa bon paso ta duidelijk paso si bo ripara como cuidadano e cifra nan ta mescos cu semper 5.6% of 5.6 % y ta un cos normal nada nobo segun specialist nan mericano den un resumen na Europa.Tur pais sa con e mester conta e asunto aki ta puur nonsense..

Bo ta hopi leeuk
April 18, 2013
190.104.102.249
Votes: +7
...

Hopi pret banco central ta, dus e dirctora... Cremento 5.1 % y ta bay fia 500 millon. Porque enganjas ?

raspa
April 18, 2013
201.229.47.153
Votes: +4
...

Bon ta hungadornan di kiniki ta traha den banco central, ta pasobra Ritz Carlton ( porcierto un projecto di Mep) ta habri te na december proximo, Hardrock y tur e otro projectonan ni cuminsa nan a cuminsa, y mas aun cierre di Valero door di AVP, Kisiera banco central por a ganja nos cu ta 2014, anto un gobierno cu un debe di 6 biyon florin, mihor boso busca las di cacho pa bai hole.

Casique
April 18, 2013
201.229.17.184
Votes: +5
...

E cos aki ta opvallend toch?Y toch no tin trabow pa Arubiano nan.No ta duna un arubiano vergunning facil pero strangero si .Bon trabow no ta nifica success.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter