Thursday, 23 October 2014
Conferencia di CATA ta habri cu un crecemento di 46% pa Latino America Print E-mail
Thursday, 18 April 2013 19:30

 DSC2259-w800-h600 - a

E siman aki ta tumando luga e ‘Conferencia Annual de Turismo Aruba’ cu a habri oficialmente na Brickel Bay – Sand Bar cu un tremendo evento pa yama tur e participantenan un caluroso bonbini. Su siguiente dia, e conferencia a tuma luga na Westin Resort Casino & Spa cu a inicia cu un presentacion di Sra. Ronella Tjin Asjoe-Croes, CEO di Aruba Tourism Autority.

Durante su presentacion, el a enfoca riba e importancia di e conferencia di CATA y el a gradici e participantenan di Latino America pa nan participacion e aña aki. Ademas el a elabora riba e hecho cu apesar cu ATA a pasa door di un re-organizacion significante, hecho ta cu ATA tin hopi aña di experiencia y presencia den e mercado di Latino America y e enfoke y inversion den e mercado di Latino America tabata extra fuerte e ultimo añanan aki. Pa lustra e cantidad di aña den e mercado, na december ultimo, ATA a celebra su di 40 aniversario den e mercado di Venezuela y luna pasa Colombia a celebra su di 30 aniversario. Ademas, el a presenta e cifranan pa cu e crecemento den nos turismo, cu en total na aña 2012 a yega casi 1.5 miyon turista. Esaki ta un aumento di 4% compara cu aña 2011. Latino America su market share completo pa Aruba durante aña 2012, ta 23%. Esaki ta un aumento di 15 % compara cu aña 2011. E pais cu ta e mercado principal pa cu Latino America ta Venezuela, cual a aumenta cu 22% durante 2012. Sinembargo, Brazil, cu ta e di dos pais cu mas hopi bishitante pa nos isla a baha cu 6% durante aña 2012. Esaki a pasa pa varios rason, entre otro e introduccion di e incentivo pa consumo domestico cu e gobierno di Brazil a introduci na e Brazileronan, competencia fuerte y desaroyonan riba area di aviacion. E di tres mercado grandi pa cu Aruba su bishitantenan ta procedente for di Colombia, cual a crece cu 9% durante aña 2012. Argentina ta e di cuater mercado mas grandi di Latino America y a aumenta cu 25%. Chile ta un mercado relativamente nobo pa Aruba, cu a crece cu un average di 30% pa e ultimo 3 añanan. Si nos mira e cifranan pa cu e prome cuartal di 2013, esta januari, februari y maart 2013, e mercado di Latino America a crece cu un total di 32.5%. Ademas Sra. Tjin Asjoe a elabora cu e objectivo di ATA pa cu 2013 ta pa crece cu un total di 11.5% for di e mercado Latino America. Apesar cu algun paisnan di Latino America ta creciendo modera, e mercado aki tin e potencial mas fuerte di crecemento pa cu turismo pa nos destinacion. Despues Sra. Sanju Luidens-Daryanani, CMO di Aruba Tourism Authority a duna un presentacion, na unda el a elabora riba entre otro e hecho cu Aruba –aunke chikito den tamaño- ta un competencia fuerte pa otro destinacionan. Nos ta competitivo riba e tereno di servicio y nos ta cumpli cu e deseonan cu socionan di e industria di negoshi ta busca na Aruba. Nos ta un destinacion fuerte cu rendabilidad atractivo. Ademas el a enfoca riba e manera cu nos ta mercadea nos producto, pa asina nos sigi ta un di e lidernan den e industria di turismo. Sra. Luidens-Daryanani a splica, e manera cu nos ta mercadea ta basa riba e strategia di inteligencia, integracion y inovacion. Asina nos ta conkista e futuro cu e analisis di data cu ta e principio tras di e strategia di ‘intelligent marketing’. El a elabora riba e preparacionnan di database marketing y e technologianan cu ATA ta uzando actualmente. Ademas, el a mustra e website re-noba Aruba.com cu a caba di wordo lansa. Na final el pone enfasis riba e resultadonan positivo for di Latino America cual ta refleho di diferente cambionan importante di parti di Aruba Tourism Authority, entre otro cambio di strategia den e mercado, cu sigur ta dunando su frutonan. Durante e mainta aki representante di Aruba Airport Authority, Srta. Jo-Anne Arends tambe a duna un presentacion na unda cu a duna un resumen con e mercado aki ta produciendo pa Aruba y kico ta e potencial di Aruba como destinacion. Tambe a comparti cu tur e participantenan un bunita video cual ta duna informacion di nos aeropuerto na un manera hopi creativo. Por ultimo Sra. Gloria Vega, Cruise and Niche Market Manager pa ATA a duna un presentacion na unda a expone y elabora riba diferente programanan enfocando riba niche di honeymoon, ‘One Happy Honeymoon’, y famia, ‘One Happy Family’, pa 2013. El a splica e dos diferente programanan den detaye y a duna un ilustracion pa tur esnan presente compronde con cada uno ta funciona. Su presentacion a culmina cu e introduccion di e mascota di Aruba cual ta ser yama Bonbi. Bonbi ta forma parti di e programa ‘One Happy Family’ y ta e ta conecta ideal pa capta atencion di e muchanan, cu ta influencia decision di e mayornan tambe. Bonbi a haci su entrada y a causa un furor y despues a bira e centro di atencion ya cu tur presente tawata kier saca nan potret cu Cododo Bonbi. Ta spera cu e lo tin e mesun impacto den e diferente mercadonan unda e lo wordo uza.

album album album
album   

Comentarionan (1)Add Comment
De Waarheid
April 19, 2013
201.229.76.3
Votes: +0
...

Tremendo trabao Ronella sigi asina.
Asaki ta e problema cu nos rubianonan, or nos hendenan hasi algo bon, ni danki of un felicitacion pero laga un stranhero bin hasi algo bon e ora y tur hende ta bati man.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter