Monday, 24 November 2014
RBC Royal Bank y The Pancake Gallery Foundation ta firma sponsorship contract pa Art Rules Aruba 2013 Print E-mail
Thursday, 18 April 2013 17:46
Comparti

IMG 3186

Recientemente a tuma luga un conferencia di prensa na unda The Pancake Gallery Foundation y RBC Royal Bank a firma contract unda RBC lo fungi como e Main sponsor di Art Rules Aruba 2013 pa di tres aña consecutivo. Sr. Pierre Rafini, Area Vice President di RBC Royal Bank (Aruba) N.V. a hiba palabra unda ela bisa di parti di RBC nos ta hopi orguyoso di forma parti di e programa aki cu a mustra di ta hopi exitoso y di un nivel hopi halto.

RBC ta un banco cu ta aporta na proyectonan cu ta enfoca riba educacion y desaroyo di e hubentud. E programa aki ta ofrece e hoben e oportunidad pa sigui desaroya su talento y asina tambe ta participa den algo sano durante zomervakantie. Sr. Rafini a felicita e organisacion pa nan entusiasmo y e deseanan hopi exito pa Art Rules Aruba 2013. Srta. Ira Kip di The Pancake Gallery Foundation a splica di unda e idea pa Art Rules Aruba a cuminsa y cu despues di varios aña a bira un realidad. E aña aki e programa ta bai tuma luga na San Nicolas y lo tin busnan disponibel pa hiba e hobennan di Oranjestad pa San Nicolas. Srta. Ayra Kip a splica e detayenan di participacion y e programa. E aña aki lo tin 9 workshops: Theater, Dance, Arts & Design, Photography, Film, Street Art, Fashion, Poetry & Spoken Word, Music & Performance y DJ. E aña aki lo tin e bonus workshop Culinary Arts cu lo wordo duna pa Sr. Urvin Croes, Chef di e restaurant White y Sra. Heather Smith di Baltimore. Mirando cu esaki ta e di cuater aña di Art Rules Aruba e organisacion a dicidi pa hasi algun cambio pa asina e programa keda ‘fresh’ y tambe inovativo. Pa e motibo aki a scohe San Nicolas como e localidad nobo unda e workshopsnan lo wordo duna. E Organisacion a keda hopi contento ora cu Minister di Husticia y Educacion, Sr. Arthur Dowers, y cabesante di Abraham de Veer School a duna nan e noticia cu nan por hasi uso di Abraham de Veer School pa duna tur e workshopsnan. Tambe por conta cu participacion di docentenan Arubiano y internacional. E final showcase lo tuma luga dia 27 di juli y e localidad lo wordo anucia pronto. Un invitacion ta bai pa tur hoben entre 13 y 23 aña di edad pa participa den e tremendo programa aki cu lo tuma luga di dia 15 di juli te cu 27 di juli. Awe tambe e website nobo di Art Rules Aruba a wordo lansa oficialmente. Pa mas informacion tocante e programa, participacion, e docentenan, e disciplinanan, fechanan importante y mucho mas por bishita www.artrulesaruba.com. Riba e portretnan adhunto por mira momento cu e contract a wordo firma door di The Pancake Gallery Foundation y RBC. Tambe por mira Sr. Urvin Croes, docente di e Workshops Culinary Arts y Sr. Robert Tromp cu e diseña e website y lo ta e docente di e Workshop Photography y Film.

album album  

Comparti
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter