Saturday, 20 September 2014
Fatum General Insurance N.V. ta cumpra Royal & Sun Alliance Insurance (Antilles)N.V. Print E-mail
Thursday, 18 April 2013 17:42

fatum

Awe Fatum General Insurance N.V.(Fatum), un sucursal di Fatum Holding N.V., a concretisa exitosamente e traspaso di 100% di e capital di e accionnan aloca di Royal &Sun Alliance Insurance(Antilles)N.V. (RSA) di RSA Group y Maduro & Curiel’s Bank. Tur e aprobacionnan necesario pa Banco Central di Corsou y St. Maarten y Banco Central di Aruba, a keda otorga pa cu esaki.

Cu realisacion di e traspaso akí, Fatum a tuma claramente un posicion como e lider di mercado riba e tereno di aseguro di daño y accidente den e parti Caribense di Reino Hulandes.Esaki ta cuadra cu e strategia di Fatum y su obhetivonan. Segun e Acting Chief Executive Officer di Fatum, Diego Fränkel, "Realisacion di e adkisicion aki ta posiciona nos awor oficialmente como number uno riba e mercado di seguro di daño y accidente y alabes e ta realisacion di nos obhetivo strategico", el a agrega, "Cu e forsa financiero combina y experencia di Fatum y RSA, tur nos clientenan por ta sigura di e miho (“best-in-class”) producto y servicionan, cu comodidad optimal y accesibilidad. Nos agentenan di aseguro ta garantisa di tin un partner di negoshi mas fuerte y un lider di mercado. Den e lunanan venidero ta e intencion pa integra e actividadnan di RSA completamente den esunnan di Fatum, cu e intencion pa alcansa sinergia y eficiencia di tur dos organisacion. E marca registra di Fatum riba tur nos mercadonan, lo reemplasa tambe e marca registra di RSA. E clientenan existente di RSA manera di spera lo no keda perhudica di ningun forma na conclusion di e transaccion akí. Nan por keda conta cu e mes servicionan di custumber, e mes productonan, e mes condicionnan y e mes primanan.Nan por sigui haci uso di e servicionan di nan agentenan di aseguro actual. Ademas, e forma di pago di prima lo no cambia te proximo aviso. Ya pa algun luna caba Fatum ta traha duro pa haci su infrastructura y plataforma di tecnologia di informatica mas eficiente, pa asina e agentenan di aseguro y e clientenan di awor pa dilanti por maneha y mira nan productonan via internet (online).Esaki ta haci negoshi cu Fatum mas facil, mas rapido y mas transparente. Siguiendo e desaroyonan di e adkisicion di RSA, Fatum a cera un convenio di distribucion di su productonan cu Maduro en Curiel’s Bank (MCB), loke lo sostene y fortifica e exitoso modelo di “bancassurance” di MCB. Fatum ta propiedad completo di Guardian Holdings Limited(GHL), e Dunado di Servicio Financiero y Grupo di Aseguro den e region di Caribe Ingles y Hulandes. Banda di ta doño di Fatum, GHL tambe ta doño di Guardian General Insurance Company Limited(GGIL), cu tambe ta e compania di aseguro di accidente local mas grandi di e region di Caribe Ingles. Segun e GHLGroup Chief ExecutiveOfficer, señor Jeffrey Mack" GHL ta sigui construi riba su tradicion di crecemento sin presedente, conforme su obhetivo di dominio riba nos mercado di cas, a bolbe cuminsa seriamente cu e actividad aki na 2012. Nos resultadonan recientemente controla ta papia di prestacionnan exelente riba tur nos mercadonan, y nos ta yama RSA bonbini na e tradicion aki di servicio consistente, compromiso y balor agrega di nos accionistanan.” Tocante Fatum Holding N.V. (Fatum) For di 1904 Fatum ta activo na Corsou, Boneiro, St. Maarten y Aruba. Fatum ta un participante dominante riba e mercado di aseguro den Caribe Hulandes cu su oficina principal estableci na Corsou. Via un red di agente di aseguro independiente, Fatum ta bende seguro di accidente, di bida, di pensioen y di gastonan medico. Fatum tin un posicion financiero y un reputacion solido y ta cumpli cu e exigencianan di solvencia di Banco Central di Corsou, di Sint Maarten y esun di Aruba. For di 2003 Guardian Holdings Limited (GHL) ta e compania mama di Fatum Holding N.V. GHL ta conoci pa un grupo di dunado di servicio financiero integra cu mira riba seguronan di bida, di gastonan medico, di candela y di accidente, pensioen y maneho di capital. E empresa a crece constantemente y na e momentonan aki ta activo den e Region Ingles y Hulandes di Caribe. GHL –ta inscribi riba e Bolsa di accion di tanto Trinidad y Tobago como esun di Jamaica. GHL merece su reputacion como un di e institucionnan financiero mas grandiden Region di Caribe. Tocante Guardian Holdings Limited (GHL) E corant "Jamaica Gleaner" y Mona School of Business a eligi GHL como ganado di e 2003 Gilt Edged Golden Awards pa Jamaica y e region di Caribe, E Empresa mas Prestigioso na Trinidad y Tobago na 2003 y e Empresa di Caribe di Aña na 2000. E empresa a gana e premionan di e Bolsa di accion di Jamaica pa reportahenan online na 2008, 2009 y 2010. E tabata e orguyoso receptor di e Trinidad & Tobago Energy Chamber 2009 Leadership Award pa "Sustaining the Environment: Making the Most of Green Opportunities". Na 2011 GHL a keda nombra na World Finance Company of the Decade 2001-2010, Trinidad & Tobago y su empresa ruman, Guardian Life of the Caribbean, a gana World Finance Insurance Company of the Year pa e di cuatro biaha, loke nunca a keda iguala anteriormente.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter