Thursday, 23 October 2014
RBC Royal Bank a lansa su producto nobo yama “Professional Package” Print E-mail
Thursday, 18 April 2013 17:39

IMG 3191

Recientemente RBC Royal Bank (Aruba) N.V. a lansa su producto nobo cu yama "Professional Package". Durante un conferencia di prensa Sr. Pierre Rafini, Area Vice President Business Banking di RBC Royal Bank (Aruba) N.V., a indica cu e pakete aki ta ofrece condicionnan flexibel cu interesnan y gastonan di administration faborabel na un cierto grupo di profesionnan aki na Aruba.

E profesionnan cu por aplica pa e pakete aki ta esnan cu ta traha of studia den e ramo di medicina manera un dokter di cas, dentista of un veterinario, pero tambe cierto otro profesionnan manera architect, ingeniero, abogado, notario, optometrista y farmacuetico. Sr. Rafini a splika "Tur esnan cu ta traha den e diferente ramonan menciona, tur ta pasa den varios etapa durante nan progreso y carera profesional, pesey mes RBC Royal Bank a bin cu e pakete aki cu ta consisti di tres diferente portofolio di producto. Un Portofolio pa Studiante y Stagiaire cu ta pa tur studiante cu ta studia "full time" y cu ta registra na un facultad profesional of cu ta core un stage mandatorio den e ramo di medicina. Tambe tin e Portofolio Personal cu ta special pa e profesionalnan estableci cu ta ricibi un salario mensual of cu tin nan mesun negoshi. Y finalmente tin e Business Portofolio cu ta diseña special pe profesionalnan cu kier establece of tin ya caba na mesun praktijk. Sr. Rafini a sigui splika " Pues nos meta pa cu e pakete aki ta pa ofrece nos clientenan profesional un cantidad di producto cu ta atractivo pa sea nan negoshi of pa nan necesidadnan personal y educacional. Cu e producto nobo aki tur e clientenan profesional lo tin nan propio "relationship manager" cu lo traha completamente dedica pa yuda e profesional den cada etapa di nan bida. Nan lo ricibi e guia y consehonan necesario di e expertonan di RBC Royal Bank. Pa mas informacion relaciona cu e producto nobo aki of cualkier otro pregunta, por yama RBC Service Line na 588-0101 y asina por traha bo cita cu un account manager na bo branch preferi. Riba e portret adhunto por mira Sr. Pierre Rafini ta duna su splikacion durante e conferencia di prensa.

Comentarionan (2)Add Comment
Joonchi
April 18, 2013
201.229.11.86
Votes: +6
...

Sr. Rafini bay ganja Baka. RBC ta e Banco di mas malo actualmente y e clientenan ta wordo maltrata cu ta hopi ta esnan cu ja a bai pa otro banco. Propio Relationship Manager cu no ta judabo cu net nada y schroef hende so.Tempo di ABN e servicio twt sublime.

Susie
April 18, 2013
190.104.100.7
Votes: +0
...

Ahn okay, ami cu ta traha como truck driver na DOW no ta bin na remarke anto. Nos lo wak, Mi tin Diego riba speed dail caba. Corte cu ne, Diego. Bisa nan. Si nan no tende di bo, nos lo menasa nan cu nos ta bay corte cu nan.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter