Wednesday, 27 August 2014
JCI YALA ta lansa e proyecto “Life is precious, we can make it better. Living a better life with diabetes” Print E-mail
Thursday, 18 April 2013 17:24

front

Recientemente a tuma luga e lansamento di un proyecto nobo di JCI YALA  Young Active Leaders of Aruba. JCI YALA ta un organisacion di JCI nobo aki na Aruba cu a lanta recientemente cu e meta pa duna oportunidad na young professionals pa desaroya nan mes y trece cambio positivo den nos comunidad aki na Aruba y riba nivel mundial.

Alabez JCI ta traha den un partnership estrecho cu United Nations y p’esey ta bin cu proyectonan pa yuda resolve y cumpli cu e Millenium Development Goals. Den e Millenium Development Goal nr. 6, United Nations ta papia riba resolve diferente malesanan importante cu ta menasa nos comunidad mundial. Un di esakinan ta e malesa di diabetes. E grupo di young profesionals di JCI YALA a tuma e iniciativa pa bin cu un proyecto piloto (‘pilot project’) pa asina duna guia nan pashentnan cu diabetes tipo 2. E meta di e proyecto aki ta pa trece un grupo di entre 30 y 50 pashentnan hunto, cu e malesa di diabetes tipo 2 y hunto cu profesionalnan capacita duna nan e guia necesario pa mehora nan lifestyle bibando cu diabetes y pa despues di un aña evalua e puntonan di mehoransa y e puntonan di aguste pa berdaderamente baha e risiconan pa e pashentnan aki desaroya malesanan mas cronico, manera problema cu circulacion, problemanan cardiovascular, diabetes tipo 1 pa nombra algun. Cu tin problema di diabetes na Aruba no ta un secreto, pero hunto nos mester purba resolve y asina ofrece tur hende un miho calidad di bida. Pesey e proyecto aki lo carga e nomber di “Life is precious, we can make it better. Living a better life with diabetes”. JCI YALA kier yama bonbini na e team di profesionalnan cu boluntariamente a ofrece nan tempo y nan experticio pa yuda cu e bunita proyecto aki pa nos comunidad. Nos kier accentua un biaha mas cu nan trabou ta completamente boluntario y nos ta hopi agradecido na esaki. E proyecto lo cubri varios tema importante pa cu e salud di e pashentnan cu diabetes tipo 2. Nos kier introduci e team di profesionalnan cu ta : Dr. Gerrit Croes – cual bou su guia lo bay ehecuta e proyecto aki. Sr. Jeritza van Vliet – cu lo cubri e parti di praktijkondersteuning. Sra. Angelique Salsbach y Ebrina Curet - como e dietistanan. Sra. Drs. Judelca y Judesca Briceño – como psycholoognan Y Srta. Nuirca de Cuba – como fitness instructor Con e proyecto aki lo wordo ehecuta? Banda di nan cita regular cu dokter cada kwartaal e pashentnan lo topa cu e praktijkondersteuner pa haci un evaluacion y pa ricibi e guia necesario. Tambe tur pashent lo bay tin cita cu e psycholoog y e dietista. Durante di e proyecto aki tur pashent lo haya e posibilidad pa haci ehercicio bou di guia di e fitness instructor 4 biaha pa siman completamente gratis. Tambe lo bay tin charlanan cu lo wordo duna dor diferente instancianan tanto pa e pashentnan como pa e publico en general. Nos kier menciona tambe cu JCI su proyectonan ta wordo ehecuta dor di e Active Citizen Framework cual ta un sistema diseña pa ehecuta proyectonan di un forma sostenibel. Un di nos sponsornan cu ta join e proyecto pa yuda haci esaki un exito ta Medicosmetics y Glucerna. Tocante Glucerna Debi na e estilo di bida agita, nos no ta pone suficiente tempo y atencion na nos bienestar fisico y mental. Ta un hecho bon conoci, cu algun habitante di Aruba tin sobrepeso y di cual un parti significativo ta obeso. Sobrepeso y obesidad ta aumenta e risico di e problemanan di salud manera; enfermedad di curason, presion halto, enfermedad di pulmom, diabetes y un risico eleva di cancer. E risico di mortalidad di e individuonan cu sobrepeso a aumenta cu 20%-40% y esun di obeso cu 200%-300%. Glucerna Hungersmart ta un shake nobo cu ta juda alivia e sintomanan di hamber. E ta contene CARBSTEADY cual ta juda minimalisae pieknan di sucu den bo sanger, e ta contena 6 gr di sucu, 15gr di protein y 25 vitamina y mineralnan. Glucerna Humgersmart ta sano pa personanan cu tin diabetis of pa esnan cu ta desea di mantene nan peso of baha peso. Nos ta encurasha nos hendenan pa keda saludabel uzando Glucerna Hungersmart cu carbohidrato special pa minimalisa e posibel risiconan di “sobrepeso y obesidad”. Glucerna Hungersmart ya ta obtenibel na diferente supermercadonan rond di Aruba. Lansamento oficial di JCI YALA Hunto cu e lansamento di e proyecto aki awe ta lansa tambe e organisacion di JCI YALA oficialmente. Nos kier gradici nos sponsornan cu ta Taste of Belgium, 24ora.com, Adctra, Medicosmetics y Glucerna, Westin Resort Aruba, Monumentenzorg, Masyfral y henter e team di profesionalnan. Nos kier a duna un danki special na Sra. Jeritza van Vliet cu a bin specialmente for di Hulanda pa support nos cu e proyecto aki.

album album album
album album album
album album album
album album album
album album album
album album album
album album album
album album album
album album album
album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter