Wednesday, 24 September 2014
Misa special pa siman santo Print E-mail
Sunday, 17 March 2013 13:57

misa san francisco01

Parokia San Francisco Oranjestad ta informa cu relaciona cu celebracion di Pasco Grandi y siman santo, cu lo tin diferente santo sacrificio di misa. Ta bon pa tene cuenta cu e orarionan adapta. Siman santo ta trece cune hopi oracion, pa cual ta invita fielnan pa participa activamente.

Prome misa special lo ta diadomingo dia 24 di maart, conoci como "Diadomingo di Rama" cu santo sacrificio di misa na Parokia di Oranjestad, cu misa pa 6:30am, 8:00am, 10:00am y pa 7:00pm. Lo tin un prosecion ta sali for di Centro Educativo Cristian pa 9:30am.

Dialuna dia 25 di maart lo tin oracion mainta y Santo Sacrificio di misa pa 8:45am.

Diamars dia 26 di maart lo tin Santo Sacrificio di misa pa 12or di merdia y celebracion penitencial, esta confesion sacramental pa 6:00pm. Lo no tin Santo Sacrificio di misa e dia ey na Kapel di Madiki.

Diaranson dia 27 di maart lo tin Triduo Pascual, cu celebracion di Crisma pa 7:00pm na Parokia Inmaculada Concepcion (Santa Cruz) y Misterio di Morto y Resureccion di Señor Hesus Cristo.

Diahuebs dia 28 di maart ta "Huebes Santo" lo tin Santo Sacrificio di misa pa 7:00pm. E misa ey ta conoci como e "Misa di cena di Señor" y despues ta sigui adoracion di "Santisimo Sacramento" te cu 11:30pm. Pa 12:00am lo tin caminda di cruz pa Kapel di Alto Vista.

Diabierna dia 29 di maart ta "Bierna Santo" lo tin caminda di cruz pa muchanan cuminsando 10:00am. Tene cuenta cu e dia ey ta dia di Pasion di Señor, dia di ayuno y abstinencia. Pa 3:00pm lo recorda pasion y morto di Señor sigui pa un Novena di Divina Misericordia.

Diasabra dia 30 di maart ta "Diasabra Santo" lo tin novena di Divina Misericordia pa 7:00pm y pa 8:00pm lo tin Vigilia Pascual. Esey ta un renobacion di promesanan bautismal, pa cual ta invita debotonan pa bini cu bela.

Diadomingo dia 31 di maart ta Pasco Grandi, conoci tambe como Pasco di Resureccion. Lo tin Santo Sacrificio di misa pa 6:30am, 8:00am, 10:00am y pa 7:00pm na Misa San Francisco na Oranjestad.

Dialuna dia 1 di april ta "Di dos dia di Pasco" cu oracion mainta y Santo Sacrificio di misa pa 8:45am. Despues ta sigui partimento di awa Bendita te cu 12or di merdia y lo tin misa atrobe pa 7:00pm.

Tene cuenta cu e orarionan special aki durante siman santo.

album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter