Saturday, 26 July 2014
Minister Ing. Mike de Meza: E lucha pa Status Aparte a cuminsa cu un mocion Print E-mail
Saturday, 16 March 2013 20:09

front-IMG 5702

“Awe ta un dia sumamente special, awe nos ta honra tur e firmantenan cu 65 aña pasa a firma un mocion cu a wordo hiba na Hulanda pa Shon Henny Eman, Shon A Eman y algun mas cu a yuda den esaki pa expresa e anhelo di separacion, pa nos ta baas den nos mes cas”, asina Minister Ing. Mike de Meza a bisa na final di e ceremonia riba Plasa 18 di Maart.

“Ta for di eynan e lucha a cuminsa y durante e añanan despues tabatin diferente lidernan cu di un forma of otro den nan epoca a traha riba esaki y cu a culmina cu nos a logra nos status aparte dia 1 di januari 1986”, asina e mandatario a conta. El a sigui bisa cu “Nos ta corda lidernan grandi manera nos libertador Betico Croes cu a haci un trabou tremendo pa cu e Status Aparte di Aruba. Tambe nos ta corda Henny Eman, tambe un di e lidernan cu a traha duro hunto cu e otro lidernan den añanan 70 y 80 pa nos a yega na e Status Aparte di Aruba, cu nos a bira un pais den Reino y cu nos por dicidi riba nos mes”. E mandatario a bisa di ta contento di por ta celebrando e gran logro aki awe, pasobra e ta yena nos cu masha orguyo di por participa den esaki, algo sumamente grandi, algo masha bunita”. Na final Minister Ing. Mike de Meza a invita tur hende pa celebra nos dia nacional den grandi e weekend aki, cu e evento di apertura di Linear Park diadomingo, e evento cultural diadomingo anochi riba Plasa Betico Croes y na e evento protocolario dilanti Bestuurskantoor dialuna mainta.

gallery1 gallery1 gallery1
gallery1   

Comentarionan (2)Add Comment
W!t=Zw@rT..zW@t=
March 17, 2013
201.229.16.227
Votes: +12
...

Lesa pa: M.De Mesa...Scirbi pa:M.Eman..Tur cos den e nocion di troce berdad un tiki, tira santo den wowo un tiki...crea desunion un tiki ,clumia, sembra odio,paga hende pa ganja..paga hende pa kere, fiesta y celebra hunto cu tur esunnan cu kier biba ta ganja nan mes....pbien..un tremendo base pa nos juinan !!!!pa esunan cu tin anto

!!!BERDAD!!!
March 17, 2013
201.229.42.159
Votes: +13
...

Laga nos agrega loke Minister de Meza, ni tampoco, e otro miembronan di e GOBIERNO ACTUAL no kier bisa PUEBLO. E lucha di e antepasadonan di nos Prome Minister Eman a worde PARA pa ex Minister Henny Eman mes, votando CONTRA di nos HIMNO Y BANDERA, di cual nos Prome Minister actual tabata CONSEHERO PRINCIPAL! Na momento cu Pais ARUBA mester tabata mas UNI den e REFERENDUM pa demonstra e deseo di Pueblo pa su STATUS APARTE, na HULANDA, partido AVP hunto cu nos Prome Minister Mike Eman, ta manda MENSAHE NAN rond, pa PUEBLO no bai tuma parti na e REFERENDUM, sino, pa bai LAMAN pa pasa dia. .....! Bida sa ta dal BUELTA, y BARBARIDADNAN di e GOBIERNO actual mester worde RECORDA di GENERACION pa GENERACION!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter