Wednesday, 23 April 2014
AAR, e “Association of Aruba Realtors”, ta un realidad Print E-mail
Saturday, 16 March 2013 15:58

AAR

Riba dia 27 di Februari, 2013, e prome reunion di miembro di e “Association of Aruban Realtors” (AAR) a tuma luga. Despues di su establecimento formal na Mei di 2012, hopi preparacion a wordo haci door di su fundadornan pa crea e fundacion pa un asociacion di realtors profesional, conforme cu e modelo Hulandes.

Despues cu e AAR a wordo estableci, tur realtor activo na Aruba a wordo aserca pa bira miembronan di e asociacion. Nos por anuncia orguyosamente cu e siguiente 14 oficinanan di real estate actualmente ta registra como miembronan di e AAR: Century 21 Best & Solid Real Estate, Aruba Living Today, Solito ERA, Alto Vista Real Estate, Prima Casa Real Estate, Coldwell Banker, Sotheby’s, MPG Real Estate, Aruba Happy Rentals, Aruba Palm Realtors, Top Homes, Limbo Aruba y Remax. E mayoria di e oficinanan di real estate tabata presente pa e prome reunion di miembro. Despues di e parti formal, oficina di notario R.E. Yarzagaray, representa pa su empleado Petra Seyfarth y notario di ley civil Ralph Yarzagaray, a duna e miembronan presente un seminario tocante Conformidad y e Ley; prevencion di Ordenanza Nacional y supresion di Labamento di Placa y Financiamento di Terorismo (LWTF) y e consecuencianan di esaki pa e realtors y e profesion notarial na Aruba. Subsecuentemente a toca turno na e compania Power Systems, representa pa Sr. Marcel van Schie y Sr. Joost Horward, kende a duna un presentacion pa un website di listing pa e AAR, cual lo wordo introduce den e futuro sercano. E meta di e AAR ta pa mehora e colaboracion mutuo entre e oficinanan di real estate na Aruba. Tambe e tin como meta pa hisa e standard di e negoshi di real estate local en general pa un nivel mas halto. E resultado final di esaki ta pa por provee cumpradornan y bendedornan di real estate na Aruba cu miho servicio y ademas di esaki e AAR por fungi como un partner na nomber di e industria di real estate local den discusionnan cu e Banco Central, banconan comercial local, e oficina di Impuesto, e Oficina pa e Revelacion di Transaccionnan Inusual, etc.

Comentarionan (1)Add Comment
jamiebell01
April 10, 2013
112.196.23.170
Votes: +0
...

Aruba Real Estate Beachfront villas or hotels are luxury and gives a good staying place. You can enjoy the sigth seen right from the room.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter