|
Diahuebs awor presentacion di obra "Musical pearls from Aruba, Bonaire and Curacao" di Eric Tchong |
 |
 |
|
Saturday, 16 March 2013 09:01 |
|
Diahuebs anochi dia 21 di maart tin un encuentro special na Biblioteca Nacional Aruba. Ta trata di un homenahe na composicion poetico, cancion, compositor y cantante. Cu presentacion di obra ‘Musical pearls from Aruba, Bonaire and Curacao’. E presentacion ta cuminsa 7or y mey di anochi y un y tur ta bonbini na biblioteca.
Na januari ultimo e musico, compositor y docente di musica Eric Tchong a bishita biblioteca personalmente pa entrega un caha cu 17 ehemplar di su ultimo produccion ‘Musical pearls from Aruba, Bonaire and Curacao’.
E obra ta un coleccion di partituranan (bladmuziek) di mas cu 60 cantica. Tchong a skirbi como un comentario personal “ It is with immense satisfaction that I present to you a collection of musical pearls from Aruba, Bonaire and Curacao. From my treasure box of musical pearls I selected a big collection of never published songs and instrumental pieces. Being a pastoral musician please find also spiritual songs. May you experience the beauty of these precious cultural findings”
Lo tin presentacion di diferente cantante y grupo musical diahuebs anochi. Sr. Mirto Lacle ta e organisador di e encuentro aki.
Tchong a nace na Aruba na aña 1941. Cu 10 aña Tchong a bay biba na Hulanda caminda el a sigui scol y su formacion musical. El a cuminsa cu les priva di piano y despues el a bay un scol di musica na Rotterdam. Durante su estudio na Nijmegen el a toca como bahista den orkesta Arubiano “Tropical Serenaders”. Como auto-didacto el a cuminsa toca guitara clasico. Na 1965 el a regresa Aruba. Tchong tin 31 aña caba ta dedica su mes na educacion y formacion musical di mucha na Aruba. Tambe el a traha na Scol di Musica como docente. Awendia como pensionado e ta dedica tur su tempo na skirbi musica y partituranan asina documentando cancionnan nunca antes publica.
Musical pearls from Aruba, Bonaire and Curacao by Eric Tchong, 2011 - ISBN 978-99904-1-540-7
 |
Mustra/Kita e formulario di comentario
