Thursday, 27 November 2014
Apertura Oficial di Cinnabon Bakery Café y Carvel Ice Cream riba L.G. Smith Boulevard Print E-mail
Saturday, 16 March 2013 08:21
Comparti

Front DSC 9743

Diabierna atardi den un ambiente ameno a tuma luga apertura oficial di Cinnabon Bakery Café y Carvel Ice Cream situa riba L.G. Smith Boulevard. Pa celebra e ocasion special aki, amigo nan di prensa a wordo invita pa bin purba tur e cos nan delicioso cu e bakery café di Cinnabon y e variacion di ijscream cu Carvel Ice Cream tin di ofrece.

Cinnabon no ta ofrece solamente cos nan dushi manera e famoso Classic Cinnabon Roll, pero tambe tin sabroso ‘sliders’ cu ta sandwich traha di e mesun mansa di Cinnabon hopi gusta pa desayuno, lunch, dinner of snack.  Esaki ta sigur un bon opcion pa e clientenan cu ta prefera algo cu no ta zoet pero toch super dushi. Actualmente tin 5 diferente opcion di sliders cual nan ta consisti di webo cu sea bacon of sausage, ham & cheese, chicken, roast beef of turkey. Tur ta bin acompaña pa lechuga, tomati, siboyo y saus cu cliente ta desea. Ademas di e famoso producto nobo Cinnabon Slider, Cinnabon tin tur su productonan premium cu ta minibon, bites, cupcakes, chillattas, cinnastix y su dushi koffie.

 

Esnan presente por a gosa tambe di un tremedo bolo di ijscream cu ta wordo traha di ijscream di vanilla, chocolate crunch y chuculati di Carvel Ice Cream. E bolo ta obtenibel den diferente diseño y tamaño y ta wordo traha na e tienda diariamente. Tambe por yama y haci pedido a base di un topico cu e cliente ta desea. Durante dianan di fiesta nacional tambe lo tin bolonan decora cu e topiconan nacional manera por ehemplo Aruba su bandera specialmente pa dia di Himno y Bandero proximo. Naturalmente no por a keda sin saboria di e dushi ‘soft serve’ di Carvel Ice Cream, cu ta un ijscream suave y cremoso cu por wordo combina cu diferente topping den un cup of cone. Esaki ta hasta obtenibel como un brown bonnet cu ta un soft serve cu nan ta dip den saus di chuculati. No lubida cu banda di e soft serve tin un liña extenso di tur tipo di sabor di ijscream traha tur dia fresco fresco y tambe tur tipo di shakes y bebida nan friu cu ijscream.

 

Cliente nan por gosa di e tur e producto nan aki y mucho mas den un luga comodo cu ta ofrece wi-fi internet completamente gratis. Den cuadro di e celebracion di e apertura oficial, Cinnabon Bakery Café y Carvel Ice Cream a lansa un promocion special cu ta valido te cu fin di luna di maart. Cu cada compra di un slider di Cinnabon of un soft serve di Carvel Ice Cream, e cliente lo ricibi e segundo slider of soft serve GRATIS! Asina ta un y tur ta keda cordialmente invita pa pasa y probecha di e promocion nan aki mas pronto cu ta posibel.

 

Cinnabon Bakery Café y Carvel Ice Cream ta situa riba L.G. Smith Boulevard net banda di Wendy’s y ta habri shete dia pa siman di 7or di mainta te cu 10or di anochi. Pa mas informacion tocante Cinnabon y Carvel Ice Cream por bishita facebook.com/CinnabonAruba of facebook.com/CarvelIceCreamAruba

album album album
album album album
album album album
album album album
album album album
album album album
album album album
album album album
album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter