Tuesday, 23 December 2014
FTA ta keda spera riba departamento di labor pa splica nan riba e cambionan den ley labora Print E-mail
Friday, 15 March 2013 22:03
Comparti

FTA Rudy Geerman

Den un entrevista cu Rudy Geerman presidente di FTA, en coneccion cu e congreso extraordinario caminda e tema di e cambionan den leynan laboral tambe a bin acerca, el a splica cu tin algun di e cambionan aki cu e sindicato no ta di acuerdo cu nan, maske cu nan tambe a forma parti di e comision. Nan tabata wardando riba departamento di labor pa bin duna un splicacion na e delegadonan pero no por a regla esaki den nan schedule.

Geerman ta spera cu aki un par di siman lo ta posible pa yama e delegadonan na un reunion hunto cu hendenan di departamento di labor, pa haya splicacion riba e cambionan aki. Abogado di FTA ta esun cu a papia riba e cambionan aki cu e delegadonan. Rudy Geerman a splica cu e intencion tabata pa yega na un consenso dentro di e comision cu a traha riba e cambionan laboral, pero tin algun cu FTA no ta di acuerdo, manera cu e trahador ora di tuma retiro por a haya cesantia, mirando cu aworaki tin un fondo di pension obligatorio cu tin como dos pa tres anja na vigor, y hopi trahador no ta bay acumula suficiente pension pa ora nan baha cu pension. Si nan lo a keda cu nan derecho di cesantia e lo a nifica un suma extra, pero esaki no a logra. Tampoco FTA ta di acuerdo cu a pone e palabra average den e ley cu ta regla e cambio di 48 pa 45 ora laboral. Esaki por haci cu un trahador mester por bay traha 9 pa 10 ora. Segun Geerman ta hopi sacrificio a costa otronan den pasado pa logra e 8 oranan laboral. Pero tog, e ta haya cu mayoria di e cambionan ta na beneficio di e trahador.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter