Wednesday, 01 October 2014
Minister Sevinger: E proyecto aki ta pas den liña di maneho di gobierno Print E-mail
Friday, 15 March 2013 21:35

front

'Proyecto 20 cas pa nos grandinan’ di FCCA na Paradera a keda cla y entrega diahuebs ultimo. Esaki a tuma luga bou di un interes grandi. Parlamento tabata representa pa Presidente interino ing. Chris Dammers, mr. Desiree Croes y sra. Clarisca Velasquez. Di parti di gobierno tabata presente Ministernan Visser, Sevinger y Eman.

Tambe un cantidad grandi di hefe di departamentonan di gobierno. Director di FCCA Peter van Poppel a bisa cu e dia aki ta uno special pa e grandinan di Aruba y tambe pa e trahadonan di FCCA. “Awe nos ta haci entrega di un proyecto bunita y excepcional. E proyecto aki ta un asina yama ‘senioren huisvesting”. Banda di e 20 casnan di huur tin un espacio general cu por wordo uza pa duna cuido na e habitantenan di e casnan. Minister di Infrastructura Benny Sevinger tambe a enfatisa e importancia di e casnan aki pa Aruba y en particular pa nos grandinan. “Nos ta aki pa duna inicio na apertura di e casnan cu a wordo traha dor di FCCA conhunto cu instancianan di gobierno. E proyecto aki ta pas den e liña di maneho di gobierno”. Minister Sevinger a recorda esnan presente cu un di e prioridadnan di e gobierno aki na momento cu a tuma rienda di pais Aruba tabata cu mester crea infrastructura di 5 strea. E situacion na Aruba tabata rekeri un decision asina, mirando e deterioro cu tabatin tur rond. E discrepancia entre e hotelnan y e resto di infrastructura na Aruba tabata hopi grandi. “Gobierno su prioridad mesora tabata pa hisa e nivel di e infrastructura cu ta encera entre otro casnan pa nos grandinan manera e proyecto aki, casnan social, scol y camindanan di 5 strea ”. “E proyecto aki a pone ‘e puntjes op de i’, asina Sevinger bisa. “E hardin ta cla, e klinkernan ta poni, e luga di para auto tin su asfalt, e cura ta cla y tur esaki bunita acaba. Esaki ta loke nos ta califica un proyecto di 5 strea”. Sevinger a pidi un fuerte aplauso pa FCCA pa a laga construi un proyecto asina bunita pa e pueblo di Aruba. Sevinger a splica cu esaki ta e direccion cu Aruba mester tuma. “Proyectonan nobo mester wordo caba y no ta pasobra cu placa a caba no ta pone klinkers of ta laga e proyecto na mita caminda. “Nos tin cu sigui haci nos esfuerso pa proyectonan wordo caba completamente. Hunto cu FCCA, e departamentonan di gobierno, cu Parlamento y un Minister President cu tur dia ta lanta y pone e bienestar di cos comunidad su dilanti, nos ta bay logra hopi mas den futuro”.

gallery1 gallery1 gallery1

Comentarionan (1)Add Comment
Logica
March 15, 2013
201.229.67.214
Votes: +2
...

Pabien FCCA cu BOSO projecto y bon trabow! Mihor boso wordo contrata pa e projecto nan di gobierno cu nunka ta 100% cla.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter