Tuesday, 29 July 2014
Pa por maneha proyecto Green‘SCool di BoAruba: Docentenan ta haya guia den sostenibilidad Print E-mail
Friday, 15 March 2013 21:05

front

Un grupo di binti docente di diferente scolnan secundario a haya un splicacion riba consumo sostenibel y genera di electricidad sostenibel. Nan ta forma parti di e proyecto Green’S’Cool, caminda ex astronauta Prof. Dr. Wubbo Ockels ta comparti su vision, experticio y experiencia. Elmar a pone su sede disponibel pa tene e presentacion hunto cu su consehero riba maneho di energia Freddy Vargas pa elabora riba e pakico y con ta anda cu energía sostenibel.

E informacion cu e docentenan a ricibi ta cu e intencion pa fungi como sosten den e preparacion y guía di proyectonan cu nan alumnonan ta ehecuta durante e programa di Green’S’Cool. E obhetivo di e proyecto ta pa scolnan bira mas sostenibel y e studiantenan ta mas consciente di nan consumo di energia. E programa ta consisti di entre otro un competencia pa studiantenan secundario. Nan mester traha den grupo y contesta e preguntanan investigativo. Den e parti ey, e docentenan ta fungi como coach. “E papel di ELMAR den e proyecto ta cu nos ta busca manera pa e hobennan yuda nan scol bira mas sostenibel,” asina Vargas a splica. El a pone enfasis cu sostenibel no tin di haci cu energia so, pero tambe tin relacion economico y social. “Si, por ehempel, nos tin energia renovabel, caminda famianan ta spaar un promedio di tres shen Florin pa luna, esey tin consecuencianan grandi pa nan economía. Un profesor di Harvard a calcula cu un florin cu bo no ta uza pa paga na petroleo di exterior, ta keda den e economia y consecuentemente e Producto General Bruto ta subi cu shete Florin”, Vargas a indica. Adicionalmente el a pasa riba e beneficio y posibilidadnan di panelnan solar. “Bo mes ta traha energia, cu bo ta suministra na Elmar, pa medio di bo e sistema di grid y bo meter di cas. Un cuenta mensual di 0 Florin ta posibel y bo por te hasta haya placa bek”. Vargas a duna pa medio di ehempelnan di cuenta un informacion concreto na esnan presente, lagando nan impresiona. E enfasis riba energia solar no ta uno sin mas: “Nos como ELMAR por percura pa scolnan haya panelnan solar, caminda studiantenan e ora ey por haci tur sorto di midimento y calculcacion. Conocemento y spaarmento hunto.” E docentenan a pone hopi atencion y a bin cu hopi pregunta. Tabata cla cu no solamente nan tabata preparando e les pa nan studiantenan, pero tambe tabata pensa riba nan mesun consumo di energia. “Ningun problema cu esey”, segun Vargas, “tur loke ta aporta na haci Aruba mas sostenibel ta un stap dilanti.”

gallery1 gallery1 gallery1

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter