Wednesday, 23 July 2014
Prome Minister Eman ricibi manera un yiu na Mahuma: Mahuma mescos cu otro barionan kier mehoracion di caminda y iluminacion Print E-mail
Friday, 15 March 2013 21:02

front

Mahuma ta un bario chikito di personanan humilde di caracter, pero agradecido na tur loke Gobierno ta haci pa Aruba en general. Nan necesidadnan ta mescos cu den mayoría bario rond Aruba. Prome Minister Eman a wordo ricibi manera un yiu cu a yega su cas. Sra. Olive Vrolijk, habitante di e prome cas cu e mandatario a yega, a brasa Prome Minister Eman y a bira masha emociona cu e momento aki, wantando man di e prome mandatario for di momento cu el a yega te ora cu el a despedi.

“Fantastico e bishita tabata,” sra. Olive Vrolijk a bisa. Cerca famia Krozendijk Minister President a wordo ricibi cu man habri. “Bon bini na nos cas,” Antonio Krozendijk y su esposa Josefina, a bisa e mandatario bransando e fuertemente. “Esaki ta bo cas, semper bo ta bini aki. Danki pa tur e trabou cu bo ta haci pa Aruba,” Antonio a expresa prome cu e mandatario a sigui cu su bishita. Den e bario di Mahuma a topa tambe cu e bon conoci pastoor Doodle Sophia, kende ta manehando un cas di rehabilitacion. Aki Prome Minister a haya un splicacion breve di kico nan ta haciendo y kico kier logra pa futuro, tur riba nan propio esfuerso y donacion cu nan ta ricibi di ciudadanonan di Aruba. Tur siman Premier Eman hunto cu Team BoBario ta cana den un bario unda cu ta tene un accion di limpiesa, pero tambe cu funcionarionan di DOW, Serlimar, GKMB, Departamento Social, etc., pa atende problemanan cu ciudadanonan trece na su atencion, mesora. Na diferente cas cu e mandatario a pasa e habitantenan a comenta riba e trabou cu Gobierno ta haciendo pa embeyece barionan, cual ta loke ta hala nan atencion masha hopi mes. Den e combersacionnan semper e mandatario ta scucha pa sa ki ta e mehoracion cu e habitantenan lo kier mira. Na Mahuma deseonan no tabata diferente cu e centenares di cas cu a wordo bishita caba. Renobacion di e caminda cu ta pasa den Mahuma ta prioridad pa e habitantenan, principalmente pasobra e ta wordo uza toch basta hopi y e santonan cu tin na banda ta un molester masha grandi mes. Un otro punto ta cu e bario a keda un poco atras den iluminacion pa cual e deseo ta pa Gobierno mehora esaki. Prome Minister Eman a probecha pa afirma cu esaki sigur ta den e plan di Gobierno. Principalmente iluminacion cu ta brinda siguridad na e ciudadano. Den e proximo dianan, den cuadro di e plan pa drecha e situacion aki, Gobierno ta bay firma un protocol cu e compania di electricidad ELMAR NV, unda ta stipula cu pa e aña’ki so lo pone mas cu 4 mil punto di luz nobo, mientras cu algun otro lo wordo reemplasa pa un sistema nobo. Loke tur tin en comun ta cu e luznan aki ta uno moderno cu ta gasta menos energia. E bishita a finalisa na cas di Baluarte di Bario, sra. Evarista Kelly, kende prome cu e almuerso a haci un oracion den cual el a pidi bendicion, salud y hopi sabiduria pa e Prome Minister di Aruba, Mike Eman.

gallery1 gallery1 gallery1
gallery1 gallery1 gallery1

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter