Saturday, 25 October 2014
Gobierno: Prome Minister Mike Eman a honra matriarca di famia Kelly na Mahuma Print E-mail
Friday, 15 March 2013 21:02

Mahuma IMG 8392

Den presencia di algun di su yiu y nietonan, diahuebs mainta Prome Minister Mike Eman a haci entrega di plakkaat di reconocemento na sra. Evarista Kelly como e un baluarte di e bario di Mahuma. El a probecha e oportunidad pa expresa su admiracion pa tur loke sra. Kelly a haci den su bida, particularmente obra e tera pa cultiva y lanta bon ciudadanonan Arubiano como yiu.

Ya ta mas cu 60 aña pasa cu Sra. Evarista Kelly ta biba na Mahuma. Aki el a casa, el a haya y cria su yiunan. Awendia e no ta mes activo den cunucu mas cu antes, pero toch ta keda planta un ke otro mata di fruta den su cura. Mester bisa cu di su banda, el a keda masha emociona y gradici cu e gesto cu BoBario a haci cune y di por a ricibi e presencia y bunita palabranan for di Prome Minister Mike Eman. Pa henter e famia tabata un momento hopi grato. Mescos cu sra. Kelly, Prome Minister Mike Eman y e team di BoBario ta sigui tur siman ta bishita otro area di nos isla no solamente pa reconoce nos mesun hendenan, pero sigur pa combersa cu e biciñanan y comparti e inkietud y pensamentonan di e bicindario. E idea ta pa conoce e situacion di manera directo, moda cu e solucion ta canalisa lo mas lihe posibel. Despues di e entrega di e plakkaat, tur esnan presente a sinta pa comparti di un dushi cuminda y cu e biento fresco cu ta core den patio di sra. Evarista, a combersa amenamente riba diferente tema.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter