Friday, 31 October 2014
Gobierno: Prome Minister Haitiano impresiona pa e conexion entre Prome Minister Mike Eman y su pueblo Print E-mail
Friday, 15 March 2013 20:57

PM Haiti IMG 8670

Gratamente sorprendi di e calor humano y e ambiente genuino, asina Prome Minister di Haiti Laurent Lamothe a keda diahuebs anochi, ora cu hunto cu Prome Minister Mike Eman, el a bishita e actividad popular Carubbian den centro di San Nicolas. Compaña pa su colega, Minister di Turismo Stephanie Villedrouin y un delegacion incluyendo oficialnan di prensa, e mandatario Caribense a cuminda esnan presente, saca potret y te hasta baila un poco riba nos tononan Carnavalesco.

Mientras cu e tabata disfruta di e presentacion di baile y disfraznan fabuloso di nos Carnaval banda di nos Prome Minister como anfitrion, e Prome Minister di Haiti a saboria un dushi “Johnny Cake”. Despues, durante un conferencia di prensa, e Premier Haitiano a indica cu el a keda impresiona pa e contacto cu nos Prome Minister tin cu su pueblo. “We were very pleased also by the connection of the Prime Minister and his people. And also the level of friendliness between them; this is something that any leader wants to have,” Lamothe a bisa. “When you meet someone from Aruba, it is like you already knew them. They made me feel like I was a best friend.” E mandatario a conoce hopi di nos isla durante un bishita oficial di dos dia. El a bishita e Expo Hall caminda el a conoce e diferente proyectonan pa mehoracion di nos infrastructura. Tambe tabatin un reunion di contacto cu e comunidad Haitiano riba nos isla y un encuentro cu Su Excelencia Gobernador y Parlamento. Su ultimo dia riba nos isla, e mandatario Hatiano a haya un tour extenso di nos isla prome cu e la sali bek pa su pais.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter