| Asina a celebra Dia di Himno y Bandera Graf van Zinzendorf Kleuterschool ta fomenta union y creatividad familiar |
 |
 |
| Friday, 15 March 2013 18:06 | |||||||||||||||||||||||||||||||||
|
Na San Nicolas, na Graf van Zinzendorf Kleuterschool, tabata tin un actividad relaciona cu Dia di Himno y Bandera. Den entrevista cu e cabesante Chiquita Boekhoudt Mendoca, el a splica cu awor no tin tempo mas pa comunica cu otro den cas ni pa comulga cu otro, y e meta di e actividad aki tabata précis pa trece e alumnonan cu nan mayornan, welo, wela, tanta, omo y te hasta bisiña hunto, den un ambiente familiar. Nan a wordo avisa cu un siman di tempo pa bin hunto na school traha obranan di man cu e tema di Aruba. E acogida tabata grandi y e school ta hopi orguyoso di e obranan tremendamente bunita cu a ser crea. Durante e evento e famianan a pasa hunto momentonan masha bunita y agradable. Chiquita Boekhoudt a splica cu nan ta un school masha chikito. E ta conta cu Klas 1 y Klas 2 so. Pero nan ta hopi uni manera un famia di amor. E mes tin tres anja como cabesante di e school y e ta purba haci cosnan diferente. Pa e otro anja lo tin un sorpresa den forma di play back show.
|
Mustra/Kita e formulario di comentario
