Wednesday, 23 July 2014
Diabierna dia 15 di maart den Centro di bario Brazil e buki “Tambu Artesanal Tradicional di Aruba” di Celia Thiel Print E-mail
Friday, 15 March 2013 17:36

IMG-20130311-01960 

Den un Centro di Bario Brazil completamente decora estilo di antes, e buki di Celia Thiel a wordo presenta pa 8or di anochi. Un buki cu ta informa nos cu Tambu di Aruba ta tradicional, paso e ta existi pa mas di 200 aña! Y tambe cu e ta artesanal paso nos mes Arubianonan ta trah’e cu material cu ta sali mas tanto for di nos naturalesa. Por bisa tambe cu Tambu di Aruba a transforma durante e 200 añanan. 

Prome tawata uza troncon di palo di sia pa trah’e, despues bari di clabo y awor por trah’e di fiber of T-111. Actualmente Sodo y Cuero ta e unico grupo di tambu cu ta toca Tambu di Aruba y cu a presenta e.o. na Cuba, Korsou y Boneiro. E culminacion di Tambu ta Dande di Tambu cu ta di un compositor desconoci. Celia Thiel ta un jurista sociologo cu ta realisa trabou di investigacion desde 1995. Trabou di Celia ta e.o relaciona cu Cunucu, historia di Caribe total, historia arquelogico di Aruba, Dera Gay/San Juan y Dande. Na Corsow Celia a comparti informacion tocante Dande. Exposicionnan cu a conta cu su experticio ta e.o. Planta y Cosecha na Instituto di Cultura y 35 aña di Centro di Bario Brazil. E buki yta na benta cerca Celia mes, librerianan y UNOCA dia 17 maart anochi (Stadionweg) y 18 di maart den dia (Archivo Nacional) pa solamente 10 florin. Un buki cu informacion interesante y historico pa hopi di nos!!!!!!!

album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter